Serchhip khawpui chhung paltlangtu kawngpui siamthat hna thawh mek chu ruahsur avangin Blacktop hna thawh tan theih ala ni lo

 Serchhip khawpui chhung kawngpui siam mek chungchangah hian tunhnai khan PWD Serchhip Division hotute zawtin kawngpui siam hna thawh mek hi November 19, 2026 atangin Blacktop hna thawh tan an tum thu leh he hna thawktu tur Urban Infraprojects Pvt. Ltd. te pawhin an hmanrua te an chhawp tawh thu an lo sawi tawh a. Amah-erawh ch ruahtui a tlak leh tak avangin nimin khan hna hi an tan theih leh tak loh thu PWD hotute chuan an sawi a, ruahtui a hul veleh hna hi tan mai theih an beisei thu an sawi a ni.


SASCI Part-V (2025-2026) hnuaia Ser-chhip khawchhung kawngpui thawmthat hna thawh mek ‘Resurfacing of Old National Highway Road at Serchhip’ hi kumin October thla khan Joint Inspection Team te chuan an lo enfiah tawh a, hemi tum hian Side Drain siam hna hi za zela 96 zawh a nih tawh thu leh Kikawn kawng laih zauh hna pawh metre 350 a thui zawhfel a nih bakah Fur laia leiminte pawh thenfai zel a nih thu te tarlan niin kawngpui blacktop phah hna hi November thla atanga tan tura ruahman a nih thu an lo sawi tawh bawk a. He hna hi Contract Agreement angin March ni 27, 2027 ralhmaa zawhfel tura tih a ni bawk.