Posts

Showing posts from April, 2022

Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

E. LUNGDARAH BLOCK LEVEL HEALTH MELA BUATSAIH ANI

Image
   Dt 26th April, 2022 khan E. Lungdar Thangburha Hall ah Azadi Ka Amrit Mahotsav lawmna kal zel hmalakna peng pakhat atana Ministry of Health & Family Welfare in ruahmanna a siam angin E. Lungdar leh a chhehvel khuate tan Block Level Health Mela buatsaih a ni. A hawnna inkhawm tawiah  khuallian Pi Nazuk Kumar, IAS, Serchhip Bawrhsap chuan, E. Lungdar leh a chhehvel mipuite tana  Health Mela buatsaih a ni chu lawmawm a tih thu sawiin Serchhip District chhunga daktawr thiam ber berten inentirna an buatsaih lai hun tha lo hmang tangkaia, a mamawh apiangten lo pan ngei turin mipuite a chah a. India ram pumah hetiang hriselna kutpui hi kalpui mek a ni a, inentirna mai nilovin hrisel tura mipuite nunkawng dik inzirtirna hun atana buatsaih a ni. Natna tam tak lakah hian awlsam taka inven theih a ni a, mipuiten nunphung hrisel leh thianghlim lam kan uar deuh deuh a tul hle.  Natnate hi hma taka hmuhchhuah chuan enkawl dam a awlsam zawk thin avangin rang taka damdawiin pan nachang hriat a

CHHINGCHHIPAH BLOCK LEVEL HEALTH MELA BUATSAIH ANI

Image
  Dated Serchhip, the 18th April, 2022  khan Chhingchhip Community Hall ah Azadika Amrit Mahotsav lawmna kal zel hmalakna peng pakhat atan Ministry of Health & Family Welfare ruahman angin Chhingchhip Community Hall ah Serchhip Block Level Health Mela huaihawt a ni a. Chhingchhip leh a chhehvel khuate tan a thlawna inentirna hun buatsaih a ni.   A hawnnaa khuallian Pi Nazuk Kumar, IAS, Serchhip Bawrhsap chuan, Chhingchhip leh a chhehvel mipuite tana   Health Mela hlu tak buatsaihtute chungah lawmthu sawiin, he Mela a hlawhtlin theih nana thawktute zawng zawng chungah lawmthu a hrilh a. An inpeknate chu mipuiten an tangkaipui hle dawn a ni, a ti. Chhingchhip leh a chhehvel mipuite pawh a lawmpui thu sawiin, district chhunga daktawr thiam ber berten an khuaah ngei an kalchilh hi lo hmang tangkaia, a mamawh apiangten lo pan ngei turin a chah bawk.   Pi Nazuk Kumar chuan,   natna tam tak hi nunkawng thianghlim leh felfai tak hmanga inven theih a ni a, mipuiten nunphung hrisel leh

International Fund for Agricultural Development (IFAD) sum Rs. 16,47,771/- senga Lungzawl zau-(Zawlpui Phai ,Bungtlang ram ) a Mat Lui kanna tur Lei dawh chu tangkai taka hman tangkai nghal ani

Image
  Serchhip District chhunga Bungtlang ram Lungzawl Zau Mat Lui-a Suspension Bridge dawh hi  Dt 22/02/2022 khan Agriculture Department Director Rohmingthanga Colney chuan   lungphum  lo phum tawhin,Hemi kawnga an hmalakna ah FOCUS Project a lo awm chu an tangkaipui thu leh  kuthna-thawktute pawhin an tangkaipui ngei a beisei thu a lo  sawi tawh ani. He Suspension Bridge dawh  hna hi FOCUS hmalakna hnuaiah kumin 2022 February Ni 22 atang  khan  thawh tan niin,Tun April thla tir khan zawhfel ani a,Lei sei zawng hi meter 82 a thui , leh lei chhuat zau zawng hi 4feet azau niin , Rs. 16,47,771/- sengin Rolins Engineer, Aizawl ten an  dawh  ani. He Lei thar hi Bungtlang  khua a Loneitu/Kuthnathawktu chhungkaw  30 chuangte chuan  Fur Tui len lai pawhin  Mat Lui kiang Mualkhang Zau leh  Lungzawl Zau  chu  awlsam takin an kai tawn  thei tawh dawn ani.  International Fund for Agricultural Development (IFAD) sum hmanga Serchhip District Agriculture Department hnuai FOCUS ten  Mat Lui  kanna tur   

THENZAWL AH AGE GROUP FOOTBALL TOURNAMENT HAWNG

Image
Dated Serchhip, the 11th April, 2022: Thenzawl Zone Football Association buatsaih '3rd RP Store Football Tournament' chu vawiin khan Thenzawl Lothazawl Football Ground-ah khelh tan niin K. Saitluanga, MIS, Serchhip District Information and Public Relations Officer chuan he Tournament hi a hawng a ni. Tun thla ni 23 thlenga khelh tur he Tournament hawnna ah hian Serchhip DIPRO chuan Thenzawl khua in Football tana thahnemngai leh Tournament huaihawtna sum pe thei an nei chu lawmawm a tih thu sawiin, Thenzawl-a Football khel mi te pawh an vannei hle ani, a ti a. He Tournament hi Football khel thin ten tumruhna leh hmalam pan tura inchherchhuahna atan hmang se a duh thu pawh sawiin, infiamna khawvel ah zuk leh hmuam leh ruihtheih thil ti thin tan hlawhtlin leh dinchhuah a har thu a sawi a, mahni inthunun thei leh taima taka bei hram hram thin te an dingchhuak thin tih hre reng turin a chah a. He huna kalkhawm infiammi leh anmahni tawiawmtute chu sawrkar ruahmanna leh hmalakna te ma

Economics & Statistic Serchhip District chhinchhiah danin Nikum (2021)chhung khan Serchhip Dist chhungah naupiang 649 leh mithi 343 awmin. Death rate aia Birth rate san zawkna hi 3.89 a ni

Naupiang hi Thingtlang(Rural) ah mipa-110, hmeichhia-75 ,ToTal 185 niin, Khawpui (Urban) ah mipa-235, hmeichhia - 229, ToTal-464 an ni. Naupiang zawng zawng 649 zingah hmeichhia 304 niin, mipa 345 an ni a, Nikum 2021 chhunga Birth rate hi 8.24 niin naupiang Sex ratio 881.16 a ni. Nausen thi(Infant death) mipa 1 leh hmeichhia 2 awmin infant mortality rate hi 4.62 a ni. Naupiang 649 zinga 541 te hi Damdawiin a piang niin, 282 te hi  Serchhip Dist Hospital ah piang in, Thenzawl CHC ah 107, PHC N.Vanlaiphai ah 38, PHC E.Lungdar ah 36,  PHC Chhingchhip ah 32, Mercy Hospital ah 19, PHC Khawlailung ah 18, PHC Ngentiang ah 9 an piang a ni. Nikum chhung khan Serchhip District ah mithi 343 an awm a, Thingtlang(Rural) ah mipa 85, hmeichhia 54, ToTal- 134 lehh khawpui (Urban) ah mipa 140, hmeichhia 64, ToTal-204 an thi a ni. Mithi zawng zawng 343 zinga 225 chu mipa an ni a, hmeichhia 118 an ni. Death rate hi 4.35 niin Death rate aia Birth rate san zawkna hi 3.89 a ni. Mithi zinga 107 leh nause

KVK North Vanlaiphai te enchhin Lentil Dal Agriculture Minister hovin seng a ni

Image
Serchhip District chhung East Lungdar Tuipui zau-a Serchhip District KVK, North Vanlaiphai ten enchhinna neia Lentil Dal an chin chu nimin khan Agriculture Minister C. Lalrinsanga hovin seng a ni a. Dal chingtute chuan nasa zawka hmalak a chakawm an tih thu an sawi bawk. Tuipui zau-a hemi puala inkhawm neih ah Agriculture Minister chuan KVK Serchhip District ten Lentil Dal chin dan lehkhabu (Technical Bulletin) an buatsaih chu tlangzarhin, “Ka vei em em thin Dal sengna hun duhawm tak an hmang thei leh hlawk takin kan ramah kan thar thei a ni tih kan hmu hian min tilawm em em a, Vawiin-ah chuan enchhin mai kan la ni,” tiin tam thama kan thar theih nan a chin dan chipchiar a bu-a KVK ten an siam chu lo hmang tangkai turin loneitute chu a chah a. Dal mai nilovin Alu te pawh chin pun zel tumin hma an la tih sawiin, State dang atanga kan lakluh, kan tharchhuah ve theih reng si te tharchhuah kawngah hma kan la chho zel dawn a ni, a ti. Tuipui Zau-a loneituten Custom Hiring Centre hnuaia Trac

AGRICULTURE MINISTER IN AR AWPKEUNA HAWNNA LEH KVK APPROVED TECHNOLOGY TLANGZARHNA NEI

  Dt 7th April, 2022: khan Pu C. Lalrinsanga, Minister, Agriculture, Irrigation & Water Resources, Cooperation, etc., chuan Krishi Vigyan Kendra Serchhip District in N. Vanlaiphaia Ar awpkeuna (Poultry Hatchery) hawnna leh kuthnathawktute tana kalpui zui tlaka an ngaih, hlawhtling taka an enchhin tawh thlai chin dan te leh hnathawh dan phung (approved technology) dahkhawmna lehkhabu a tlangzarh. He hunah hian Pu C. Lalrinsanga chuan, KVK a thawktute hi loneitute kal zel nana hmahruaitu pawimawh an ni a, an zarah hmasawnna duhawm tak tak kan hmu tam tawh hle a ni. An tangkaizia hriain district thar pathum kan neihah te pawh KVK hi dah thuai kan duh a, kan lehkhate pawh tunah Prime Minister pisaah a awm mek a ni, a ti. Minister chuan, kan ram hi Pathianin mal a sawma, kan thlai chi enchhin hrang hrangte pawh an thar tha thin hlea, Lintel dal kan enchhinte phei chu a thar hlawk lamah ram pum chawhrual aiin kan sang zawk hial a kan phur hle a ni. Vawiinah kan rama chin pun zui theih tu

Serchhip Sailiam Kawn a Police Checkgate-ah dan lova Kuhva rah tawlh man a la awm lo

Image
 Khawchhak lam atanga bungrua rawn lut leh dan lova bungraw tawlh te lo enfiahna tura ruahman Serchhip Sailiamkawn-a Police Check Post chu hman a nih hnuah Dan bawhchhia a bungraw tawlh man a la awm lova. Sairang a Checkgate siam-ah pawh dan lova Kuhvarah tawlh man a la awm lo nia thudawn a ni bawk. Central YMA chuan Mizoram kaltlanga Kuhvarah tawlhruk venna tur Checkgate siam tura Chief Minister Zoramthanga leh sawrkar hotute dangte an ngen hnuah Serchhip Sailiamkawn leh Sairang-ah te hian Check Post siamin Checkgate  hawn a nih hnuah kumin February 17, 2022 atang khan Serchhip Sailiam Kawn a Police Checkgate  ah pawh  Police an duty tan a ni. Serchhip Sailiamkawn-a Police Check Post a Duty te chuan he Check Post hawn a nih atanga nimin thleng khan lirthei 376 enfiah ni tawhin,February thla ah 96, March thla ah 260 leh April thla kan hman mekah lirthei 20 enfiah anih  tawh thu an sawi a,Duty te chuan chhun lamah helai hmunah hian MVI te an duty thin bawk tih sawiin, zan lamah erawh ch

Serchhip Excise & Narcotics Department ten Rakzu thahnemtak an Disposed/ leih bua

 Dt 4th April 2022  khan Serchhip Excise & Narcotics Department te chuan  kumin  March leh April thla chhunga  Rakzu an man( 1400 litre chuang)chu  leih bua/Disposed in,heng an zu man te hi Aizawl,Phunchhawng atanga lokal an man te niin,heng Rakzu te hi  Serchhip,Thenzawl,Keitum leh Mualthuam leh leh khaw dang dang a zawrh tur nia hriat ani a, heng baklah hian Zu leh ruihhlo dang  thahnemtak  an man tawh te chu Serchhip District Court lamah thehthang/Disposed a lo ni tawh bawk ani. Serchhip Excise & Narcotics Department te hian Kumin 2022 kumtir (January thla) atang khan Rakzu 1400 litres,Heroin (No.4) 308.24Gram  leh Ganza 8.63gram  lo man tawhin,ruihhlo neitu mi 4 leh Ruihhlo phurhna  lirthei 3 an lo man tawh bakah ruihhlo kaih hnawih Case 3  an lo ziaklut tawh bawk. Serchhip Excise & Narcotics Department te hian Zu leh Ruihhlo dapchhuahna  leh a thatlohzia inzirtirna kawngah District  chhung  khaw tin tlawhchhuah vek tuma hma an lak mek thute, Amaherawhchu,Covid-19 hripu

CHIEF SECRETARY TO GOVT OF MIZORAM Dr. RENU SHARMA IAS IN SERCHHIP A HEAD OF OFFICES TE KAWMIN, DAMDAWIIN,COLLEGE LEH AGRICULTURE HMUNHMA TE A TLAWH

.  :    Dt 2nd April 2022 khan Dr. Renu Sharma, IAS, Chief  Secretary to the Government of Mizoram chuan Serchhip tlawhin Serchhip a Head of Offices te nen DC Conference Hall ah inkawm hona a neih bakah, Govt. Serchhip College te, Serchhip District Hospital te leh District Agriculture hmunhmate a tlawh. Tukin Zing lam khan CS hian tun hnaia NAAC Accreditation Grade 'A' hmu thar Government Serchhip College a tlawhin, an hmunhmate fangin Principal Pu Lalremsiama leh thawktu dangte nen inkawm hona hun an hmang a. Hemi hnu hian DC Conference Hall ah Serchhip Head of Offices te nen inkawm hona an nei zui a ni.  He inkawm honaah hian Dr. Renu Sharma chuan, Serchhip district in hmasawnna duhawm tak tak a neihte chu lawmawm a tih thu sawiin, officer kalkhawmte chu an hna theuhvah theihtawp chhuah zel turin a hrilh a. Fur a lo hnai leh tawha fur lo thlen hmaa inbuatsaih lawk ngaihna chiah te pawh inpuahchah tha turin a chah a ni. Covid19 hripuiin min la kiansan lo tih hriaa, Covid19 lak

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

FAI Cat-II International Paragliding Accuracy Chapionship, 2020, Mizoram, India tluang takin zo fel

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle