Serchhip Excise & Narcotics Department ten Rakzu thahnemtak an Disposed/ leih bua

 Dt 4th April 2022  khan Serchhip Excise & Narcotics Department te chuan  kumin  March leh April thla chhunga  Rakzu an man( 1400 litre chuang)chu  leih bua/Disposed in,heng an zu man te hi Aizawl,Phunchhawng atanga lokal an man te niin,heng Rakzu te hi  Serchhip,Thenzawl,Keitum leh Mualthuam leh leh khaw dang dang a zawrh tur nia hriat ani a, heng baklah hian Zu leh ruihhlo dang  thahnemtak  an man tawh te chu Serchhip District Court lamah thehthang/Disposed a lo ni tawh bawk ani.

Serchhip Excise & Narcotics Department te hian Kumin 2022 kumtir (January thla) atang khan Rakzu 1400 litres,Heroin (No.4) 308.24Gram  leh Ganza 8.63gram  lo man tawhin,ruihhlo neitu mi 4 leh Ruihhlo phurhna  lirthei 3 an lo man tawh bakah ruihhlo kaih hnawih Case 3  an lo ziaklut tawh bawk.

Serchhip Excise & Narcotics Department te hian Zu leh Ruihhlo dapchhuahna  leh a thatlohzia inzirtirna kawngah District  chhung  khaw tin tlawhchhuah vek tuma hma an lak mek thute, Amaherawhchu,Covid-19 hripui leng avang  leh thawktu indaihlohna  avangin he 'Anti-Drugs Awareness Campiagn'chu duh anga chaka hma an lak theih loh thu an sawi a,chutihlai erawh chuan,Tlawmngai Pawl (YMA) te nen  tangkawpa Zu leh ruihhlo chi hrang hrang an lo man tawhnaah lawmthu an sawi bakah, Zu leh ruihhlo  dap chhuah na kawngah mipuite  tanpuina/tawiawmna an mamawh reng thu an sawi nawn leh  bawk.

Tun dinhmunah Serchhip Excise & Narcotics Department hnuaiah hian thawktu ,Inspector -1,Sub inspector  3,ASi-1,Head Constable-2 leh Driver -1 leh Constables-17  awm mekin heng Constatble 17 zingah hian Driver 3 an awm mek  bawk ani.