Kar liamta Inrinni chhun a Tuichang luia chesual ruang hmuh ani ta

 Kar liamta Dt 12/09/2026 (Inrinn) chhun dar 12:30 vela Khawlailung leh Hmunzawl inkar Tuichang Lui motor kaina  a chesual Pu Zoramchhana(39) S/o Lalchawimawia Khawlailung ruang chu tukin Dt 14/09/2026 (Mon) Zing Dar 5:20am vel khan  atlakna atanga Km 2 vela hla Sai Li a ruang zawngtu te Ngar hemah a a lo tang  chu hmuh ani ta.

Tarlan tawh angin,Pu Zoramchhana ruang zawng hian Khawlailung leh a chhehvel  khaw hrang hrang  atangin mi tlawmngai mi thahnemtak thawk chhuakin,Tukin dar 5:20 vel khan an ngar hemna tuiin a len chhiat then tawh  a  a lo tang chu  zan riaka tuitla zawnga thawk chhuakten  hmu in, ruang hi an la chhuak  nghal a,vawiin vek khan Khawlailungah vuiliam nghal a ni.