Ramchhung hmundangte rualin Serchhip khawpui leh a chhehvelah pawh 'Presbyterian Kohhran Naupang Sunday School Inkhawmpui' neih mek niin zanin hian an tiak ang

 Kum tina neih thin 'Mizoram Presbyterian Kohhran Naupang Sunday School Inkhawmpui ' chu nizan atang khan Serchhhip leh a chhehvel Kohhran  hrang hrangah neih mek niin zanin hian an tiak ang.

Serchhip Vengchung Pastor Bial chuan Field Veng Kohhran Biak Inah NPSS Inkhawmpui Vawi 22-na hi hman mek niin  Bial Chairman kaihhruaiin  nizan khan Kohhran hrang hrang NPSS Secretary leh Bial Sunday School Secretary ten Report an pe a,Vawiin Pathian Ni chawhma hian Beginner leh Primary Department ten Thu leh Thu inchhang a intihsiak neiin Recitation leh Solo ngaihthlak a ni bawk, Chawhnu ah Junior leh Inter/Sacrament Department ten Thu leh Thu inchhang hmanga intihsiaklehin Zanin  Pathianni Zan hian Result puan leh lawman sem a ni ang.

 Serchhip Pastor Bial chuan NPSS Inkhawmpui Vawi 91-na hi Serchhip Kawnpui Kohhran Biak Inah neiin Bial Chairman kaihhruaiin Nizan khan Report inkhawm an a,vawiin chawhma khan Beginner leh Primary Department ten Hla,Thu leh thu Inchhang hmangin Intihsiakna neiin, Chawhnu Inkhawmah Junior  Department leh Inter /Sacrament Department ten Hla.Thu leh Thu Inchhang hmang te in Intihsiak an neih leh bakah,Inkhawm apiangin Special Item Group Zai leh Female Voice leh Solo etc te ngaihthlak thin a ni.

New Serchhip Pastor Bial te chuan NPSS Inkhawmpui hi New Serchhip Kohhran Biakin ah neiin Bial Chairman kaihhruaiin nizan khan Pathian Biak Inkhawm neih niin Bial Secretary in Reports khaikhawnin,Pathian  thuchah ngaihthlak ani a,Vawiin Pathian Ni chawhma khan  Beginner leh Primary Department ten  Hla ,Thu, Thu Inchhang hmang a Intihsiak in, Chawhnuah Junior leh Inter/Sacrament Department ten Intihsiak hi an nei bawk a ni.

'Naupang Sunday School Inkhawmpui' hi Zanin Pathianni Zan Inkhawmah hian Result puan leh lawmman sem hun hmang lehin an tiak ang.