Nimin chhuna Tuichang luia chesual ruang hmuh a ala nilo

 Nimin Dt 12/09/2026 (Inrinn) chhun dar 12:30 vela Khawlailung leh Hmunzawl inkar Tuichang Lui motor kaina a chesual Pu Zoramchhana(39) S/o Lachawimawia Khawlailung ruang chu vawiin thleng hian  hmuh la ni rih lovin,Khawlailung leh a chhehvela khaw hrang hrangten ngawrh takin an la zawng mek zel a ni.

Pu Zoramchhana hian Pickup Truck neiin, aman a  khalh  nghal a,nimin khan Hmunzawl Biak In sakna  tur Cement  chu Khawlailung leh Hmunzawl inkar motor kaiah inhlanchhawng tura  kal niin,Tuichang  lui tui lian in Lirthei kaina a chim dan vel a endikna lamah a chesual ta nia hriat a ni a,amah hi tui thiam tak ni mahse Tuichang Lui luang khauh leh chak tak ah hian a chesual ta nia  hriat ani. A ruang hi  Khawlailung  khua leh Tuichang lui luan zelna Piler,Keitum leh khaw chhehvel Hmunzawl,Chekawn,Sialsir khua te pawhin zawnpui  mekin,chanchin ziah lai (Dt 13thSept 2026 Sun 1:30pm)) thkleng hian hmuh ala ni rih  lo a,Tuichang lui tui hi atam bakah a khauh hle a,Li daidul remchang lai  apiangah  Ngar te hem niin,tui lut thiam ten theihtawp an chhuah mek zel bawk a, Tui tla ruang zawngtute hian nizan atang khan  Tuichang lui dung hmun hrang hrangah riah chilh nghalin, Tui tla zawngtute ei leh ln leh tanpui nan  hian Hrangturzo Bialtu MLA Pu Lalmuanpuia Punte in Rs.5000,BDO E.Lungdar,Rs.5000, Serchhip Sub Hqrs YMA Rs 2000,Pu Maremruata Rs.10000 te bakah,Khawlailung  khaw chhung a Kohhran hrang hrang te leh Khawlailung leh a chhehvel VC te atang bakah,MRB Khawlailung & NGOs leh mimal engemawzat te hnen atangin tui tla zawnga hnatlang te tanpuina sum leh ei leh in thahnemtak dawn ani  tawh bawk a ni.