Serchhip District Bawrhsap Paul L.Khuma ho-in District mipuiten Krismas leh Kumthar hunpui lo thleng tur hlim leh thlamuang taka an hman theih dan tur sawiho a ni.
Serchhip District Bawrhsap Paul L.Khuma hovin District mipuiten kumin Krismas leh Kumthar hunpui lo thleng tur hlim leh thlamuang taka an hman theih dan tur chunchang chu nimin tlai (Dt.18/11/26) khan Serchhip DC Meeting Hallah sawihona neih niin,he hunah hian Serchhip District Bawrhsap chuan mipuite’n dan bawh-chhiatna-te report nachang an hriat a pawimawh thu sawiin, awlsam zawka report theihna ‘Vantlang Viltu App’ pawh hmang ṭangkai zual zel turin mipuite a chah a, Dân palzûtna report a lût a nih chuan khawng taka hma lak a nih tur thu a sawi bawk a ni.
He ṭhutkhawmah hian Police Department leh Excise Department-te bakah YMA leh NGO dangte’n an inbuatsaihna leh hmalak an tum dante chu thlirlawk niin,Zone hrang hrangah inṭhenin, buaina chhuah fona hmunte thlithlai a, endikna neih a ni dawn a, zu leh ruihhlo lâkluh tur pawh khauh taka vên a nih dawn bakah Branch YMA-ten veng tinah duty post siamin, intlawh-chhuah tum a ni bawk a, Police Department-ten Tlawmngai Pawl duty-te hnenah Dân chungchanga hriat tur pawimawhte inhrilh-hriatna an nei leh bawk ang.
Road Accident leh thin tiṭhawng thei thilte a thlen lohna tura invênna kalpui dan tur hrang hrangte sawiho ni bawkin, surprise checking neih zui zel a ni bawk dawn a ni.
He ṭhutkhawmah hian Serchhip District SP Dhirendra Pratap Singh, Addl. DC Dorothy Muan-sangi leh concerned Department Official dangte bakah NGO hrang hrang aiawhte an tel a ni.
