District Hospital sak mek-a lei che awm nia lang chu tukin khan enfiah a ni.

 Serchhip District Hospital sak mek-a Block B sakna tur laih a nih hnuah lei che a awm nia hriat a nih avangin tukin khan enfiah a ni a,Serchhip DC Meeting Hall-ah District Hospital Serchhip sak mek chungchang ngaihtuah hian Nimin khan thutkhawm hmanhmawh neih lo ni tawhin, he huna tarlan a nih danin Serchhip-a District Hospital building thar sak hna thawh mekah, Block B hmun tur hi laih tan ni tawhin October 2026 atang khan ruahtui leh leimin thei laka fimkhur thilah Casualty/Trauma Ward bul hnai chu laih chhunzawm rih loh a ni a. November 2026 thla tir lam atang khan hmun thenkhatah lei/chhuat khi a awm tih hriat niin, hei hian District Hospital Casualty/ Trauma Building vel huamin a structure pui ber, a banpui leh beam te erawh chu a him nia hriat a n a,hetih rual hian fimkhur thilah heng Ward te hi tihruah niin Gynae Ward-ah insawn chhuah rih a ni thung a ni.


 Nimin-a thutkhawm hmanhmawh neih hi Serchhip Addl. DC, Dorothy Muansangi chuan kaihruaiin a rang lama helai hmunhmate endik turin Geologist chah nghal an ni a, tukin hian Addl. Deputy Commissioner Dorothy Muansangi hovin khawtlang hruaitute nen Joint Inspection neih nghal ani bawk

He thutkhawmah hian Serchhip Bawrhsap Paul L. Khuma chuan helai lei che nia hriat ah hian chak taka hmalak zui nghal a nih tur thu  sawiin, he  hna thawktu Contractor - SK Construction te pawh thahnemngaia theihtawp chhuah turin a chah a,Meeting hian chak zawka hnathawh a nih theih nan hna thawhna bungrua leh hmanrua (rod, balu, rawra etc) dahkhawlna tur hmunhma chungchang pawh relin, sawnchhuah tura ruahman a ni bawk.

Serchhip District Hospital Serchhip Block B Building hi NESIDS Fund cheng vbc. 50 hmanga sak mek a ni a, sanction hmuh fel tawh a ni in, hna hi thawh zui mek a ni.