Ramchhung hmundangte rualin Serchhip leh a chhevelah pawh 'Senior Department Pastor Inkhawmpui' neih mek niin,zanin hian an tiak ang

Lawma Ralte • September 20, 2026 • Comments

 Mizoram Presbyterian Kohhran Naupang Sunday School hnuaia Senior Department te chuan Nizan atang khan  Pastor Bial Inkhawmpui hi hmang tan in,nizan Pathian biak inkhawmah khan Bial chhung Kohhran hrang hranga Senior Department te inchhiarna leh chetchanna tlangpui report leh Bial Sunday Secretary Report khaikhawmna ngaihthlak  ani.


 Vawiin Dt 20thSept(Pathian Ni) chawhma inkhawm atang khan Meet thlarau lam thupui Sermon ngaihthlak tan niin,Inkhawm ban hun awlah Fellowship neiin 'Bible Quiz'in intihsiakna hun hmang an awm bawk a,Chawhnu inkhawmah Meet thlarau lam thupui ngaihthlak leh ani a,inkhawm banah bial chhung Kohhran  hrang hrang a Senoir Department zirlai ten Items chi hrang hrang nen Fellowship hlimawm tak an hmangho leh in, zanin Pathian biak inkhawmah Meet thlarau lam thupui ngaihthlak leh lawmman sem ani ang a,Inkhawmpui hi an tiak tawh ang.


 Serchhip Pastor Bial chuan Senior Inkhawmpui Vawi 46-na hi Serchhip Bethel Kohhran Biak Inah Thupui :”I nu leh I pa chawimawi rawh ” tih hmangin Pu Lalrammawia Ngente chu Speaker ah an hmang a,New Serchhip Pastor Bial chuan Bukpui Kohhran Biak Inah Thupui:'Pathian Thuawih'tih hmangin Pastor Zairemkima chu Speaker atan hmangin,Serchhip Vengchung Pastor Bial chuan Senior Inkhawmpui Vawi 22-na hi Serchhip Bazar Kohhran Biak Inah Thupui : “ Thuawihna” tih hmangin bialtu Pastor Billy Lalrinchhana chu Speaker atan hman a ni bawk.