Urban Development & Poverty Alleviation Department (UD&PA) hmalakna hnuaia Serchhip-a Patient Attendants' Shelter(PAS) sak zawh tawh chu hman tangkai a nih vat theih nan hmalak tum a ni.

 Serchhip DC Meeting Hall-ah District Bawrhsap Paul L.Khuma kaihhruaiin District Executive Committee under Shelter for Urban Homeless, DAY-NULM chu thukhawmin Serchhip District Hospital ramchhung, Serchhip Press Club bula Patient Attendants' Shelter sak zawh tawh chungchang hi  nimin khan  sawihona neih  niin, an hmalak tawhna chin tarlan niin he Shelter sakna atana Final Bill 15% (4th Installment) Contractor-in a claim chu en ho niin Committee chuan tha tiin a pawmpui a. Patient Attendant Shelter(PAS) hi hman tangkai vat a nih theih nan chak taka hmalak chhunzawm zel nise tiin an rel nghal bawk a ni.

Serchhip-a Patient Attendants' Shelter sak zawh tak hi RCC Building niin Mizopa chhiara chhawng hnih a ni a, a chung leh hnuai hi Mipa leh Hmeichhe Room tur atana ruahman niin Serchhip damdawi In-a damlo awmpuitu, khual atanga rawn kalte tan riah theihna leh ei leh in te pawh an siam theihna tura ruahman niin,Khum 5 vel ve ve awm thei tura ngaih a ni bawk. He building hi Rs. 40,28,522 senga sak niin Contractor hi Lalremsiama, Chawnpui Aizawl a ni