Nasha Mukt Bharat Abhiyaan (NMBA) hmalakna a Serchhip-a Ruihhlo ngaite pual Gospel Camping a Ruihhlo ngai sim te pualin Skill Training neih tum a ni

 Kumin February thlaa Ruihhlo ngaite puala Gospel Camping buatsaih atanga ruihhlo bansan te chhawmdawlna (nurturing) tur atan thla thar October thla atang khian thiamthil inzirtirna (Skill Development Trainng) buatsaih tum a ni.

Kumin February thla a Nasha Mukt Bharat Abhiyaan (NMBA) hmalakna a  Serchhip-ah Ruihhlo ngaite pual Gospel Camping neih tak atanga ruihhlo bansan te chhawmdawlna atan hian Skill Development Training hi buatsaih tum niin ruahman dan chuan thla thar, October 2026 chhung hian Training hi neih theih beisei a ni. Ruahman lawk dan chuan he Training hi LESDE Department te nena tangkawpin kar hnih (2) awh tura neih tum a ni a, Trade hrang hrang- Floor tile phah dante, Electrical Wiringte, Plumbing leh Hnangtah dante chu Pilot Project angin buatsaih tum a ni a; a tul angin Camp chhuak ni kher lo, ruihhlo-a harsatna neite tan pawh Batch hrana la neih chhoh zel tum a ni bawk.

 He Training neih tur atan hian khawtlag hruaitu-VC leh YMA te chu an bial chhung theuh ami te zawngchhuak tur leh chiang zawka lo indap tha leh tura ngen leh beisei an ni a. Serchhip Bawrhsap Paul L. Khuma chuan ruihhlo do kawnga khawtlang tanrualna leh tawhhona ah lawmthu sawiin, beisei ai maha tam ruihhlo sim hlen an awm chu lawmawm a tih thu a sawi a, thawhhona tha tak neihpui zel turin khawtlang hruaitu chu a sawm bawk a ni