Serchhip District chhunga National Highway-54 dinhmun thlirin nimin khan Serchhip Bawrhsap, Pu Paul L. Khuma hovin thutkhawm ani.

 Kawngpui dinhmun leh lo enfiah a nih tawh dante sawiho a nih hnuah Bawrhsap chuan Kawngpui siamthat hna hi ni 15 chhunga beisei anga an thawk tha lo a nih chuan Dan anga khawng taka hmalak zui a nih tawh tur thu Contractor te, Authority Engineer leh NHIDCL hotute a hriattir nghal a ni.

He thutkhawm nimin tlai a Serchhip DC Meeting Hall a neih ah hian Serchhip District Bawrhsap, Pu Paul L. Khuma chuan Serchhip District chhunga National Highway-54 Inspection neih a nih hnuah hmalakna a chak lo hle tih sawiin, chak zawka hmalak a tul thu a sawi a. Kawngpui siamthat hna vil zui kawngah tlawmngai pawl leh thuthar thehdarhtute bakah khawtlang hruaitu leh mipuite tanrual a tul thu a sawi a. Kawngpui siamthat hna hi ni 15 chhunga beisei anga an thawk tha lo a nih chuan Dan anga khawng taka hmalak zui a nih tawh tur thu pawh Contractor te, Authority Engineer leh NHIDCL hotute hi a hriattir nghalin, NHIDCL aiawhte bakah Serchhip District chhunga National Highway-54 siamthat hna thawktu Shivalaya, KRAM Infracon Pvt. Ltd. leh Bhartia Infra Projects Ltd.  aiawh ten hma an laknate tarlangin zawhfiah duh an neihte zawhfiah nghal a ni bawk ani.