Serchhip District-ah African Swine Fever (ASF) avangin kumin chhungin Vawk thi leh suat 2660 zet a awm tawh

 Kumin chhungin Serchhip District-ah ASF vanga Vawk thi leh suat chhin-chhiah a awm belh zel a, nimin khan ASF vanga Vawk thi 29 chhinchhiah belh lehin heng zinga 26 te chu Thenzawl khuaa mi a ni a, Chhingchhip khua ah Vawk thi pahnih leh Hmuntha-ah Vawk thi pakhat a awm belh leh bawk a ni.

Heti hian kumin chhungin Serchhip District-a Veng leh khua 21-ah ASF hri leng hmuh ni tawhin chhungkaw 610 ten harsatna an tawk tawh a, ASF vanga Vawk thi 1618 awm tawhin, hri leng darh zel tur venna atan Vawk 1042 suat a ni tawh bawk a ni.