Serchhip District Amateur Taekwondo Association (SDATA) chuan kar liamta Inrinni tlai khan Belt Exam pass thar te hnena Belt hlanna hun hman ani.

Lawma Ralte • August 3, 2026 • Comments

 Serchhip Kawnpui VC Hall-a Belt hlanna hun hi an President, Vanlalhruaia chuan kaihruaiin khuallian nia he hun hmanpuitu Serchhip District Sports Committee (SDSC) Sr. Vice President, K. Tlangthanmawia chuan SDATA chu Serchhip a Sports Association hrang hrangte zinga hma la tha ber te zinga mi a nih thu leh naupang te te ten Taekwondo zira bul an tan chu lawmawm a tih thu a sawi a, tuna naupang te chu infiamna lama kan hmachhuan la ni tur an nih thu sawiin, theihtawp chhuah turin a fuihin,he huna kal an nu leh pa te pawh an fate an tuipuina ah lawmthu hrilhin, theihtawp chhuahpui zel turin a chah bawk.


SDATA Secretary Anthony Lalneihmawia chuan Report pein SDATA Academy hi nikum (2025) August thla khan IOC Veng-ah bul tanin tum hnih Colour Belt Exam an buatsaih tawh thu leh tun tumah hian mi 43 ten Exam hmachhawnin an pass vek thu a sawi a. Serchhip District aiawhin State pum huap inelna ah tum khat an kal tawh thu leh Medal 20 chuang an lak thu a tarlang bawk.

Hemi hnu hian Colour Belt Exam-a pass mi 43 te hnenah hian an Belt hren tir niin Certificate hlan nghal theuh an ni bawk ani