E.Lungdar VC by-election atan hming pekluhna hun tawp ta

 Tun thla ni 20-a East Lungdar Village Council by-election neih tur chuh tum te tana hming pekluh hun chu nimin tlai khan tawpin he inthlanna chuh tur hian mi pahnih in hming an pelut a ni.

State Election Commission in ruahmanna a lo siam tawh angin East Lungdar Village Council-a General Seat ruak pakhat hnawhkhat tur hian tun thla ni 20 khian by-election neih tur niin nimin tlai dar 3:00 thleng khan inthlan chuh tum te tan hming pekluh hun hi hawn a ni a, kar kalta Zirtawpni-a hming pelut mi pahnih bak hming pelut awm belh lovin heti hian he inthlanna chuh tur hian ZPM atangin F. Lalchawimawia leh INC atangin Vansangliana ten hming hi an pelut a, INC hi MNF Party nen an thawkdun dawn a ni.

He inthlan chuh tum-a Nomination paper thehluh te hi vawiin khan Returning Officer kaih-hruaina hnuaiah endik niin, tunkar Ningani (Aug. 6, 2026) tlai dar 3:00 thleng inhnuhdawhna hun hawn zui a ni dawn a ni.