North Eastern Council (NEC) atanga cheng nuai 431 (vbc. 4.31) senga buatsaih mek Serchhip Kawlri Tlang-a 'Cultural Heritage Centre' chu Serchhip Bawrhsap hovin Serchhip District MJA member ten an tlawh

Lawma Ralte • August 1, 2026 • Comments

 Kumin December thlaa zawhfel hman tura ruahman Serchhip Kawlri tlang-a ‘Cultural Heritage Centre’ sak mekah hna thawh tur za zela 82 vel thawh zawh hi nimin tlai khan Serchhip Bawrhsap Pu Paul.L.Khuma leh Serchhip District MJA member  ten a hmunah tlawhin,Serchip Heritage Society hruauitute leh Serchhip Sub Hqrs YMA hruaituten an tawiawm bawk a,he hna thawktute chu a hun taka zofel hman tura theihtawp chhuah turin ngen ani.


Sercfhhip Kawlri Tlang a 'Cultural Heritage Centre' sak mek hi Serchhip bialtu MLA, Mizoram Chief Minister Lalduhoma hmalaknaa sak niin North Eastern Council (NEC) atangin he hna thawh nan hian cheng nuai 431 (vbc. 4.31) hmuh a ni a; September 2024 khan hna thawh tan niin,Public Works Department (PWD) hnuaiah Excell Consultancy Services-ten hna hi an thawk a. He hnathawh hi a tira ruahman dan chuan kumin (2026) February thla-a zawhfel tur ni mahse, hnathawktute hian an thawh zawh hman loh avangin December 2026 thleng hun pawhsei sak leh an ni.

 Serchhip Kawlri Tlang-a ‘Cultural Heritage Centre’ sak mek chungchangah hian nimin khan Serchhip Bawrhsap Paul L. Khuma hovin sawrkar mi pawimawh te leh khawtlang hruaitute chu Serchhip DC Meeting Hall-ah thukhawmin hmalakna kal mek leh an thlen chin te thlirho a lo ni tawh a,Bawrhsap, Paul L. Khuma chuan he Project hi Chief Minister pawhin a ngaih pawimawh em em thu sawiin, PWD leh Department lamte chuan an tih tur chinte tha taka an tih tawh thu a sawi a, a sak puitlin hna thawk tura rawih Contractor-te chu theihtawp chhuaha hna thawk turin a chah thar leh bawk.

Serchhip  MJA Member te pawhin huntiam chhunga thawk zo ngei turin Contractor chu an duh thu  sawiin, Tun dinhmunah hna thawh tur za zela 82% vel zawh tawh a ni a,Tui chhekkhawlna chu siam zo tawhin Cottage Building paruk, Lal In, Quarter Building leh Zawlbuk Building te chu zaa 98 thawh tawh niin, Capacity Building hna pawh 95% zawh a ni tawh anih bakah, Site Development hna chu 60% zo tawhin Cultural Heritage Building leh Ethno-Medicinal Garden siam hnate chu 50%  zawh tawh ani a, Approach Road & Side Drain hna chu 30% thawh tawh niin,'Children Park'&  'Mini Sport Complex' hna chu 20% thawh a ni tawh bawk ani.