Puangsualtu thiamloh chantir

Lawma Ralte • July 31, 2026 • Comments


RT Lalhlimpuia S/o Zahmingthanga R/o Venglai, Thenzawl, Mizoram chu naupang kum tling lo pawngsual thubuai ah thiam loh chantir niin  ni 17.07.2026 khan Pi Julie Lalrinzami Additional District & Sessions Judge, Circuit Court Serchhip chuan convict in, ni 30.07.2026 khan a hremna a ti chhuak a, Section 6 POCSO Act hnuaiah kum 20 hrehawm taka lungin tang turin leh cheng 20,000/- (Cheng singhnih) chawi turin a ti a ni.

( Cheng singhnih a pek loh chuan kum 1 dang hrehawm taka tan belh tura tih a ni bawk)



 RT Lalhlimpuia hian he case bakah naupang pawngsual thubuai case tho neiin, a case pakhat ah hian ‘trial’ a kal mek bawk a ni.


Serchhip ah hian Session Court hi a nghet a Post siam a la nih loh avangin, Circuit Court hi Video Conferencing hmang leh Physical Court (a taka Court conduct) ṭangkawpa regular taka kalpui ṭhin a ni.


 Kumin 2026 January aṭanga July thla chhûng khan Circuit Court Serchhip hian Session Court thubuai 84 chingfel tawhin. Criminal case 74 leh Civil case 10 an lo chingfel tawh a, Tunah hian case pending 85 a awm mèk bawk a ni.