Serchhip Districtah Bawlhhlawh thliarhran kalpui dan tur sawiho a ni

Lawma Ralte • July 31, 2026 • Comments

 Serchhip District-a Solid Waste Management Rules, 2026 leh Plastic Waste Management Rules, 2016 kalpui dan leh hmalaknate thlirletna chu nimin khan Serchhip DC Meeting Hall-ah neih niin,He thutkhawm hi Bawrhsap Paul L. Khuma hova neih niin Serchhip Addl. DC Dorothy Muansangi hnen atangin hmalak mek dan ngaihthlak ani a,SWM Rules, 2026 hlawhtling taka kalpui a nih theih nan Village Council hruaitute’n uar lehzuala mipuite inzirtirna (awareness) an neih a tul thu te, Dan zawm tha duh lote hnena hremna lekkawh a nih dan tur te,Plastic thlakthlengna tur (alternative) awm theih dan turte leh ruahmanna hrang hrangte sawiho a niin Serchhip District chhunga khawpui(urban) leh thingtlang (rural village) hrang hrangah te bawlhhlawh chi li-a thliarhranna (4-bin waste segregation system) kalpui dan turte sawi a ni bawk.


Tun dinhmunah Serchhip District-ah hian DUDO hmalaknain Urban Area - New Serchhip North leh South VC Area-ah te 4-bin waste segregation system hi kalpui tan mek niin Rural areaah PHE Department hmalaknain Sialsir, Sailulak, Leng leh Chhuanthar Tlangnuam-ah te kalpui tan a nih dawn bakah Single-Use Plastic tih tlem a nih theih nana chak taka vil zuitu tur ‘Inspection Team’ pawh paruk (6) din a ni tawh bawk ani