Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

SERCHHIPAH WORLD BICYCLE DAY PUAL CYCLE RALLY BUATSAIH


 

Dated Serchhip,3rd June, 2022: Azadi Ka Amrit Mahotsav lawmna kal zelah vawiin World Bicycle Day, 2022 denchhenin Nehru Yuva Kendra Sangathan, Serchhip District; Ministry of Youth Affairs & Sports, Government of India chuan Serchhipah Bicycle Rally a buatsaih a, Serchhip district leh Lunglei district atanga lokal Cyclists thahnem tak an tel.

 

Pu Amlanjit Hazarika, District Youth Officer, NYK, Serchhip kaihhruaina hnuaia neih Cycle Rally hi Serchhip Government College Campus ah Pu PC Lalremsiama, Principal, Government Serchhip College chuan a vailiam a. Cyclists te hian Serchhip Kawlri tlang tlanga Eklavya Residential School thleng an tlan a ni.

 

Pu Amlanjit Hazarika, DYO chuan Cycle Rally an buatsaih chhan ber chu thalaite zingah Cycle hmanga insawizawi thatna te, Cycle hman uar hi boruak thianghlim tibawlhhlawhtu khawl khu tihtlemna atana a pawimawhna inhrilhhriat nan te, khawvel lo lum zel tur venna atana Cycle hman uar deuh deuh a tulzia inkawhhmuh nante, mahni hriselna atana taksa sawizawi uar a thatziate inzirtirna atan hetiang rally hi World Bicycle Day, 2022 denchhena an buatsaih thu a sawi a. India rama district 623 ah he Rally hi buatsaih anih thu leh chung zinga district 75 ah te chuan lian tham taka rally an neih thute, Mizoramah chuan Aizawl leh Serchhip district ah a lian thama an buatsaih thute a tarlang a, Serchhip district a an buatsaihah hian, Serchhip, Lunglei, Thenzawl leh Chhiahtlang lam atanga Cyclists 24 an tel thu a tarlang bawk. Pu Hazarika chuan vawiin rally a tel zawng zawngte leh an programme a hlawhtlin theih nana thawhpuitute zawng zawng chungah lawmthu a sawi a ni.



Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

FAI Cat-II International Paragliding Accuracy Chapionship, 2020, Mizoram, India tluang takin zo fel

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle