Mizorama cheng mizoten Sawrkar laipuiin hmasawnna a duan hrang hrangte a tam thei ang ber kan lo chhawr ve a ngai ani - Pu Vanlalhmuaka President, BJP Mizoram State
He thu hi Mizoram State BJP President, Pu Vanlalhmuaka'n vawiin a Serchhip a chanchinbu mite nen an inkawmnaa a sawi niin, kum 8 chhung BJP Party ten Sawrkarna fung an chelh tawhah, a bikin ram mipui rethei leh khawsak harsa zawkten lei rem an rah ve theihna tura BJP sawrkar ruahmanna hrang hrangte sawiin, Pu Narendra Modia kaihhruai BJP sawrkar hnuaiah hmasawnna chak taka a kal chhoh thute, abikin India ram chh ei leh barah pawh kan intodelh tawh thu sawi bawk.
Pu Hmuaka chuan abikin India ram thingtlang khua eletrict current la luhloh khuaah Saubhagaya Scheme kaltlanga eng pek anih thawh thute, Mizoramah eng la luh loh khua a awm chuan hrilh hre vat turin chanchinbu mite chu a chah a,Kum 8 kalta chhung khan India ram chu Economy 8.2℅ zeta a thanchhoh tawh thu leh kum 2021-2022 chhungin Foreign Direct Investmemt(FDI) ah Dollar 83.57million zet India in a hmuh thu a sawi bawkVawiin a Serchhip Press Club a chanchinbu mite nen an inkawmho naah hian sawrkar laipuiin hmasawnna tur a duan Central Scheme hrang hrang Mizoram a hmalakna kalmekah zawhna leh chhanna hun hman hi a ni bawk
