Tunlai ruahsur nasa avang leh NHIDCL kawnglaihna leivung avangin Serchhip Zawlpui Phai a Leilet leh Nul siamtu thenkhattte tan harsatna an tawk mek.

 Tunhnai ruahsur nasa tak khan  Serchhip leh Keitum inkar a  NHIDCL kawnglaihna leivung  paih  te chuan  Serchhip Zawlpui phai lu lam/tawntirh  (Lumtui Zau) a Leilet   siamtute  tan harsatna  siam sakin,Leilet  Bial thenkhatah te  Leivung/Chirh  nasa takin a lut a, hei hi leitha  pangngai anih loh  avangin Buh chin  nan a hman tlak dawnloh thute,leivung/chirh te hi paih chhuak vek tur  chuan hautak  hle dawn thute bakah Leilet Tuikawng thenkhatte te pawh  kawnglaihna Leivungin a hnawh pin sak  chu pawi an tih thu Leilet neitute chuan an sawi bawk ani

Heng bakah hian Dt 21 June 2022  thleng khan  Mat Lui in Zawlpui phai a chim chin hi hniam/phai deuh tawh mahse,Zawpui phai hmun  hniam zawka  Thlai hnah leh rah chi hrang hrang   tharchhuah thinna -Nul tam zawk  chu tui lian hian  ala chim a,Zawlpui phaia Leilet  thenkhat, buh phunna tura Lei leh phut  tawh , kawi tura  an ruahman mek te, Leilet a  phun tur, Buh chi an  kui tiah tawh engemawzat chu  Mat Lui lian hian   a chim  chhiat bakah, Leilet Thlam thenkhatte  chu vawiin thleng khan Tui lian hian   ala  chim  rih a,tuilian khan  Bial ko thenkhatte a  tihchhiatsak  thu leh tui lianin in  a rawn  ken tel,Leilet bial chhunga a hnutchhiah tak  chirhte chu Leivung/Lei chhia mai mai anih avangin,Buh phunna tlak anih dawn loh thu leh  heng chirh te paihchhuah /thenfai hna chu thil hautak tak anih dawn thu  Zawlpui Field Management Committee (FMC) hruaitute chuan an sawi bawk a ni.