Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

Kum 6 chhung zet Keitum leh Khawlailung Inkar Tuichang Lei dawh thar tur,vawiin thlenga la peihfel theihloh chu Mizoram PWD,Chief Engineer (Roads) leh YMA hruaituten enho

  Dt 18thMay 2022 tlai khan Mizoram khawchhak lam tlangdung khuate  chaklakna kawng  pawimawh  tak Keitum leh Khawlailung Inkara Tuichang Lei  dawh thar tur,vawiin  thlenga  la peihfel theihloh chu Mizoram PWD,Chief Engineer (Roads) leh MPWD  thawktute, Serchhip Sub Hqrs YMA  leh Tuichangral’S’ Group YMA hruaituten a hmunah  zirchiangin an enfiah.

Kum 2018   atanga  Tuichang  Lei(Bailey Bridge) dawhthat hna  thawktu  M/S Sadguru Engineers & Allied Services Pvt. Ltd. Guahati ten vawiin thlenga  Lei dawh hna an la zawhfel theihloh  hi  Er.C Lalhmingthanga,Chief Engineer(Roads) MPWD  leh  a thawhpuite chuan   a hmunah  enfiahin,Er.C Lalhmingthanga,CE Road MPWD hian Lei  dawh hna kalmek  leh an hmabak  te  uluk taka enfiahin, he hna thawktu M/S Sadguru Engineers & Allied Services Pvt. Ltd  hotute  chu  phone hmangin a be  pawp nghal a.an hna  muan chhan leh an hmachhawp dante  a zawhfiah hnuah, chak zawka lei dawh hna  a  kal chhoh theih zel theih nan  MPWD te chuan tul anga  hma an lak chhoh nghal zel dawn thu  a sawi ani.

Keitum leh Tuichang Inkar  Tuichang Thir Lei (Bailley Brigde) dawhthat/thar  hna hi Kum rei  tak  atang khan thawh  tan  lo tawh  niin, he hna thawh  vila  thlithlai reng thintu  Serchhip Sub Hqrs YMA  leh Serchhip Sub Hrs YMA hnuaia Tuichangral ‘S’Goup  YMA  hruaitute chuan a rang thei  ang ber  lei thar  chu peihfel an duhthu  an  lo  sawi nawn leh a,MPWD hotute chuan  tunhnaiah he Lei dawh hna thawktu chu  an hna muan chhan sawifiah tur a  hriattirna (Show Cause Notice)vawi hnih (2) lai  an lo pek tawh thute,tun thla (May) tawp lamah emaw  Thla thar (June) tir lamah hmalakna  thar engmah an hmuh  loh chuan an  hna thawhlai chawlhsan tir (Terminated) sak hial an tum thu an sawi bawk.

Tuichang Lei dawh  hna  thawk mektu M/S Sadguru Engineers & Allied Services Pvt. Ltd.  te hian Mizoram hmundang  Langkaih  leh Tuivai Lui Lei dawh hna pawh muangtak a an lo  thawh  tawh avanga  insawifiah tur a hriattirna(nShow Cause Notice)pek an lo ni hial tawh  ani.

Er.C Lalhmingthanga,Chief Engineer(Roads) MPWD,  lo dawngsawngtu  Serchhip Sub Hqrs YMA  leh  Tuichangral ‘S’Goup  YMA  hruaitute chuan  Km 8 a thui,Chekawn leh Artahkawn Inkar kawngchhe  lutuk chungchang pawh lo thlen nghalin, MPWD  chuan he kawng hi  SEDP hnuaiah PWD Work Schedule a a awm mek  thu leh a remchan chuan  Bhavya Construction te  chu Restricted Tender a kawng siamthat  hna hi  thawh tir  leh  mai an tum  thu an sawi bawk ani.

 Keitum leh Tuichang Inkar  Tuichang Thir Lei (Bailley Brigde) dawh kalmek entu Er.C Lalhmingthanga CE(Roads) hi Pu H Lalnunpuia Sr.SDO PWD Serchhip,Pu Kiddya S.D.O N.Vanlaiphai leh Pu Lalrohlua JE Serchhip Sub Division ten  lo tawiawmin,YMA  atangin Pu J Vanlalzawnga,President ,Tuichangral ‘S’Group YMA  leh a thawhpuite,Serchhip Sub Hqrs  YMA  hruaitu thenkhatte leh  Serchhip Sub Hqrs YMA hnuaia  Vigillance & Monitoring  Committee aiawhte an tel bawk ani.


Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG