5th Inter-District Wrestling Championship 2022 ah Serchhip District an champion

Posted by on

 5th Inter-District Wrestling Championship, 2022 chu nimin tlai khan zawhfel niin Serchhip District chuan Medal 37 lain an champion.


Serchhip Indoor Stadium-a neih 5th Inter-District Wrestling Championship-ah hian Free Style-ah inelna neih niin intihsiakna thlengtu Serchhip District hian Gold Medal 12, Silver Medal 11 leh Bronze Medal 14 lain a pumpui ah pakhatna an ni a, Aizawl District chu pahnihna niin Gold Medal 5, Silver Medal 5 leh Bronze Medal 3 an la a, Saitual District chu pathumna niin Gold Medal 3, Silver Medal 2 leh Bronze Medal 4 an la bawk a ni.

He Championship neih ruala Mizoram Inchai Champion lai te cho tur zawnna neih ah Mizo Inchai Palian champion lai hi Lalsangliana (Upper Republic) cho turin Lalnunfela, Salem Veng Aizawl chu a tling a, Pate champion lai Lalchhanhima (Saitual) cho turin B. Lalawmpuia, Thenzawl a tling bawk. Nute Champion lai Lalbiakdiki (Serchhip) cho turin Lalvenhimi, Bethlehem Vengthlang chu a tling a, Elizabeth Rohlupuii, Melriat leh Zodinpuii, Lunglei ten Nulaihawl Champion inchuhin Hmangaihsangi, Dilkhan (Saitual) leh Lalsiamthari, E. Lungdar ten Nulian champion an inchuh anga, Remruatpuia, Saitual leh Lalmalsawma, Kolasib ten Palaihawl Champion Title an inchuh dawn bawk a, a hun erawh ruat a la ni lo thung a ni.

Comments

Post a Comment

Popular posts from this blog

Lungkawlh leh N.Vanlaiphai khaw inkarah Heroin Hawng 91 zet man a ni !!

Posted by on
Image
  Serchhip District chhunga Lungkawlh ram ah niminpiah  khan Heroin nia hriat Hawng 91 zet man a ni a, hemi kaihhnawih ah hian mi pahnih man an ni bawk. Serchhip Police District Special Branch (DSB) leh Mizoram Police CID (SB) Serchhip Sector bakah Border Security Force (BSF) 34 Bn. Dawngzawl leh Addl. Field G Team, Lunglei te chuan an thudawn bawhzuiin nimin khan Joint Operation neiin Serchhip District chhung Lungkawlh leh North Vanlaiphai inkar, Lungrawlh ram-a Thingpui Huan Mual-ah Heroin nia hriat Kenbo Bike-a rawn phurh Hawng 91 hi an man a, ruihhlo te hi Myanmar atanga rawn lakluh nia hriat niin hemi kaihhnawih ah hian Chaksangthanga (29), Dawn, Myanmar leh Robinson (29), Ruabuk, Myanmar nia inchhalte pawh man nghal an ni a, thubuai siam sak an ni.  Heng Heroin nia hriat an man hi a vaiin gram 1129.39 (kg. 11.293) niin Rs. 225,87,800/- man nia chhut a ni
Kimchang zawkin »

Serchhip-a Bharti Gas hmangtute chuan July 2026 chhunga an Cylinder leh Consumer Card te thehlut tura tih an ni..!

Posted by on
Image
  New Serchhip Venglai-a inbun Bharti Gas hian a tirah mipuite hnenah Supply tha tak nei thin mah se, tunah erawh Gas pek tur an neih tawh loh avangin an consumerte’n harsatna an tawk a. He harsatna chungchang hi Serchhip District Consumers Association chuan Serchhip District Magistrate hnenah thlenin nimin khan District Magistrate kaihhruaina in Bharti Gas aiawh leh District Consumer Association aiawhte chuan Bawrhsap Pisa-ah an sawiho a ni.  He thutkhawmah hian Consumer Association-te rawtna. Consumer-te’n an Gas cylinder-te pek let a, an lo insenral tawhna te pek let nise tih chu Serchhip-a Bharti Gas Dealer-te chinfel theih piahlam thil a nih avang leh Court case kallai anih avangin Court thutlukna ngaihchan nise an ti a. Bharti Gas Agency-te chuan karleh June ni 6 hmain an Consumer list-te an submit ang a, Bharti Gas consumer-te chuan July thla chhungin, Bharti Gas ten Collection Centre an siamah an Cylinder leh Consumer Card te an thehlut ve leh ang a, Bharti Gas Cylinde...
Kimchang zawkin »

Serchhip District Covid-19 update -- Serchhip District ah Covid -19 Positive enkawllai 27 (DCHC-5, CCC- 22) leh Govt. Quarantine Facility a awm mek (Khunghran) Mi 81 an ni

Posted by on
  Vawiin Dt 31st Aug2020 khan Govt Quarantine Facilities Centre-(Thenzawl Tourist Lodge ) khunghran mekte zingah  Inkhunghranna hun hmang zo  mi 4 chu chhuah tir  leh niin , tun dinhmun ah, Covid-19  avanga sawrkar inkhunghranna siam – Govt Quarantine Facilities Centre ah mi 81 khunghran mek  niin, Covid 19 positive te enkawlna hmun tur a buatsaih District chhung a  Covid Care Centre pathum  ah Positive  enkawllai  mi 27 (Ayush Hospital, Thenzawl - 10, SIRD Hostel-5, Nursing School -12 )an awm mek bawk  ani.
Kimchang zawkin »