Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

Mizoram Chief Minister leh MNF Party President ni bawk Pu Zoramthanga'n Serchhipa MIZO HNAM RUN a hawng

 Dt 20thMay 2022 khan Serchhip Venglai a MNF Serchhip East Block ten ‘Mizo Hnam Run’ an sak thar chu MNF Party President leh Mizoram Chief Minister ni bawk chuan  a hawng.


Serchhip a Mizo Hnam Run hawnna ah hian Mizoram Chief Minister leh  MNF Party President ni bawk Pu Zoramthanga chuan thusawiin, hunkal tawhah Congress Party kulhpui chu Serchhip anih thute,mahse kum 3 sawrkarna an chelhloh hnuah  Inthlanpuia an  dahkham chawi ngai khawp hialin an tlachhiat tak  thut e a sawi a, MNF Party chu kum 60 chuang harsatna tamtak karah tluangtak leh ropui taka an la kal chho zel thu leh Pathianin an tlinlohna  leh felloh a zawng zawng ngaidam  a,vawiin hi lo thleng ta annih thu a sawi bawk.  Pu Zorama chuan Mizoramin,Covid, ramri buai,ratlan,vawk hri leng etc ..harsatna, manganna a tawh laiin Pathianin MNF chu sawrkar tura a dah tlat thute, MNF Sawrkar chuan tihfuh leh fuhloh tam tak anneih  ve theih tho avangin ram mipuite chuan  a lan ang mai a thlir lova, A nihna  tak hrefiah thiam thin zawk turin a chah  bawk.CM chuan Mizoram remna leh muanna hlutak chu  ramdang pawhin an it thute,sawrkar  leh  ramhruaitu turte chu Pathianin hun atih hun apiangah a ruat mai thin thu a sawiin, Hman tanga Pathianin kan ram  tundin a tum chhoh danah Mizote hnam chu  hun hnuhnungah hnamtin hnen a chanchintha hril tura ruat  kannih thute, Pathian leh kan ram tan titu MNF Party chu a  ropuitak a kal zel dawn thute a sawi bawk ani.

Pu Zoramthanga hian Serchhip khawpui chhung veng hrang hrang atangin  mi 45 te chu MNF Party ah  a lawmlut nghal bawk.

He hun hi Pu C Vanlalsiamthara, President, MNF'E'Block in kaihhruaiin, Pu L.P Sanglura , NCM, MNF 'E'Block in Hnam Run sak chhoh  anih dan tlangpui(Technical Report) pein, Serhhip Venglai a  Mizo Hnam Run hmun sakna tur hmun hi Kum 2002,June 30 khan lei niin, Kum  2005-June thla atanga sak tan ani a, a building hi chhawng hnih niin, a chhawng chung zawk hi Party Office tura  ruahman niin, a hnuailam(kawngpui an  hnuailam) chu mimal luah theih tura ruahman leh mek a ni bawk.He Hnam Run sak nan hian MNF Party President, Pu Zoramthanga'n Rs Nuaih 9 a lo pek tawh bakah tun dinhmun (luah theih leh hawn theih) a peih anih hnu thleng hian Rs Nuaih 13 chuang senral ani.

He hunah hian Pu K Vanlalvena, Lunglei MNF Sub Hqrs hnen atanga thusawi ngaihthlak ni bawk in, Mizoram Chief Minister leh MNF Party President ni bawk Pu Zoramthanga hi  Adviser to Chief Minsiter Pu C Lalramzauva, MNF Gen Hqrs  hruaitute MNYF Hrqs  leh MNWF Hqrs  a hruatuten an rawn tawiawm ani.

Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG