Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

KHAWLAILUNG SUGARCANE GROWER SOCIETY TEN 'ANNUAL ASSEMBLY VAWI 1 NA' HMANG

 Dt 19thMay2022 hian  Khawlailung Sugarcane Grower Co-Oprative Society Annual Assembly vawi 1-na hmangin, Pu J Hmingthanzuala,IAS Agriculture Department Secretary khuallian niin a  hmanpui.


Khawlailung Community Hall a Khawlailung khuaa Fu chingtu Pawl inzawmkhawm Pawl Sugarcane Grower Society Assembly Vawi 1-na hi Pu Laithuama, Vice President. Sugarcane Grower Society Khawlailung in kaihhruaiin, he huna  khuallian Pu J Hmingthanmawia  IAS Secretary  Agruculture Department chuan thusawiin Khawlailung khuaa Fu chingtu inzawmkhawm Pawl ten duhsak taka  an Annual Assembly Vawi 1 -naa khuallian ni tura an sawmna chu lawmawm a tih  thusawiin,Fu chin chu eizawnna tling leh  ngelnghet anih thute, Khawlailung khua chu khaw taima leh tihtakzeta hnathawk thin Kurtai a Mizorama khaw lar leh hmingthang  annih thute, sawrkar flagship programme SDEP hnuaiah Fu ching tur  Beneficiaries Chhungkaw 12 sawrkarin a lo  thlan tawhte bak Beneficiaries dang pawh thlan/thun belh leh tum annih thute  sawiin,Khawlailung khuaa Fu chingtu Chhungkaw 130 te zingah chhungkaw engemawzat in kumtin a Lo vah leh Hal ngai thin  'Tlangram Lo neih' an bansan ta chu lawmawm  a tih thu a sawi bawk. 

Khuallian chuan Rs Nuaih 25 senga  Fu atanga Kurtai leh thildang  siamchhuahte man man leh tuihnai zawk a  sawngbawlna tur Sugarcane Jaggery Plant tunhnai  buatsaih mek chu a nihna  ang tur taka hlu tangkai taka hman thuai anih theih nan an mamawh hrang hrangah  chaktaka hmalak sak thuai anih dawn thute sawiin, Faina leh thianghlimna kawngah Mizoram khawfai intihsiakna  lawmman pakhatna Khawlailung khua chuan la ve thei ngei tura tan la tura a chah bakah  Fu chinna kawngah thahnemngai taka  tan la chho zel tur a fuihin,duhsakna a hlan bawk.

He hunah hian Directorate of Agriculture  atangin  Pu George Lalthangura, Deputy Director(Planning) Pu Tlangtimawia Zote DAO Serchhip,Pu Kenny Zohmingliana,Subject Matter Specialist(SMS) KVK.N.Vanlaiphai, Pi L.Lalzidingi,District Co-operative Officer(DCO) te hnen atangin thusawi ngaihthlak ani bawk.

Khawlailung Sugarcane Grower Society Annual Assembly Vawi -1 na Rorel ah hian  Society Member tin ten  Share ₹ 500 thawh leh ṭheuh nise tihte, Society Member in lak belh nise tihte an rel  bakah kum 2023 atan Society Hruaitu thar thlanna annei nghal  bawk.

Pu Lalhnehzauva,Secretary Khawlailung Sugarcane Society hnen atanga  report a   landanin Khawlailung khuaah hian Fu chinga Eizawng Chhungkaw  130 an mekin, Khawlailung Sugarcane  Grower Society hi kum 2021 July Ni 21 khan din niin tunah hian he Society ah hian Member/Chhungkua 81 an awm mek ani.

Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

FAI Cat-II International Paragliding Accuracy Chapionship, 2020, Mizoram, India tluang takin zo fel

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle