Serchhip District chhunga Oil Palm chingtute intawhkhawmna chu nimin khan Serchhip Hmar Veng YMA Hall-ah neih niin, he hun hi Agriculture Department Secretary J. Hmingthanmawia IAS chuan khuallian nia hmanpuiin Serchhip District-a kuthnathawktute chu Oil Palm chin kawngah pawh theihtawpa tuamhlawm a nih tur thu a sawi.
Serchhip District Agriculture Officer (DAO) Tlangtimawia Zote kaihhruai he hunah hian Agriculture Secretary J. Hmingthanmawia chuan Mizoram-a Oil Palm chin bul tan dan a fuh chiah lo tih sawiin, a chin lamah nasa takin Company ten hma lain lirthei tlawhpawh theihlohna thlengin tam tak phun a ni tih a sawi a, amaherawh chu a seng a lo hunah harsatna a awm tak thu leh Serchhip District chhunga hma latu 3F te phei chu a tiak phun kawnga nasa taka hma an lak hnuah an inhnukdawk ta hial tih a sawi a. Hei vang hian tuna Mizoram-a hma la mektu Godrej Agrovet Limited leh Ruchi Soya Industries Limited hotute pawh a kawm tawh thu leh tuna ruahmanna an siam dan chuan Aizawl District chu Godrej Agrovet Limited in enkawlin Serchhip leh Siaha District chu Ruchi Soya Industries Limited ten enkawl tura ruahmanna siam a nih thu a sawi bawk a, hetianga hmalak a nih chuan Oil Palm chingtute harsatna tawh pawh sutkian a ni ang tih a sawi a ni.Agriculture Secretary chuan Serchhip District chu Agriculture a thlai tam zawk tharchhuah theihna tur hmun nei tha a ni tih sawiin, Oil Palm chin kawngah pawh theihtawpa tuamhlawm a nih tur thu a sawi a. Oil Palm chin chu Environment atana tha lo anga sawina Social Media lamah nasa taka thehdarh a nih thu pawh sawiin, Environment atana thatlohna a neih loh thu hi Department pawhin an tihchhuah bakah mithiam te ruaiin a zirchianna te pawh an buatsaih mek thu a sawi bawk a ni.Khual zahawm nia he hun hmanpuitu Serchhip District Bawrhsap Nazuk Kumar IAS chuan Serchhip District-ah hetiang hun buatsaih a ni chu lawmawm a tih thu sawiin, Oil Palm chin kan uar-a Tel tharchhuak tura tan kan lak a pawimawh thu a sawi a, Serchhip District chu Mizoram laili a awm, thlai chi hrang hrang tharchhuahna hmun, 'Vegitable Bowls of Mizoram' tih hial a nih thu a sawi a, hei vang hian Oil Palm chin lamah pawh nasa zawka hma kan lak chuan kan hlawhtlin ngei a beisei thu a sawi a, Agriculture lama hmalakna ah DC Office chu an inhawng reng tih pawh sawiin, tuna an hnathawhna leh hma thar lakna turah harsatna leh mamawh an nei a nih chuan an hnena thlen hreh lo turin a chah bawk a ni.He hunah hian Agriculture Department Deputy Director (Oil Palm Section) R. Vanlal-chhuanga chuan Mizoram in Oil Palm herna kan neih mek, Bukvannei-a khawl in a her theih zaa 30 vel bak kan la tharchhuah loh thu sawiin, Sawrkar laipui in ramchhunga State 16 te Oil Palm chinna tura a thlan ah tihtur tul ang tifel tawh State pathum zingah Mizoram chu a tel thu te, sawrkar laipui in ruahmanna a siam ah Support Price awm thei tura beisei a nih thu leh Custom Hiring Centre te pawh ruahman theih a nih thu a sawi bawk.Oil Palm Growers Meet-ah hian Serchhip District Oil Palm Zonal Committee Chairman Lalchhuanawma Siakeng chuan Serchhip District a Oil Palm chin dan te sawiin, kum 2008-ah Oil Palm ching tura hmalak tan a nih thu leh kum 2016 thleng khan Oil Palm tiak 2,74,117 semin chhungkaw 3322 ten ram hectare 1916.94-a zau ah an chin thu a sawi a. Kum 2017-ah Agriculture Department hmalakna in Oil Palm rah te hralhchhuah tan a nih thu te, Bukvannei-ah hralh thin a nih thu te, tunah hian Serchhip, Thenzawl, Chhiahtlang, Keitum, Bungtlang, Khawlailung leh Piler khua atangin chhungkaw 53 velin Oil Palm an tharchhuah tawh thu te, tun thlengin kg. 3,44,147 tharchhuah a nih tawh thu leh Rs. 18,92,808.50 vel hmuh a nih tawh thu a sawi bawk.
여기에 중국 모멘텀까지 추가된다면 가속도가 붙을 전망으로 오는 16일 중국의 당대회를 이유로 중국인들의 국내 유입이 늘어나기 시작한다면 m카지노 실적 회복 모멘텀도 기대된다. 올해 기준으로 일본 내 출국자가 늘어날 것으로 예상되면서 주가는 이미 반응하고 있는 모양새다. 특히 이번 일본 카지노 전용 전세기 독자 운항과 함께 다음달 11일부터는 제주~오사카 직항노선(주7회)도 재개된다.
ReplyDelete