Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

"Mizo mipuite hi keimahni leh keimahni kan inchhanchhuah a ngai a, eng ram mahin min chhanchhuak dawn lo. Kei chuan BEISEINA hi ka tlangaupui a ni” - Pu Lalsawta ,Prseident MPCC


 He thu hi  Congress Party-in Mizoram chhim lam tlawh a 'Chhim hrut fehchhuah' hun a hman  zawhfel na  Dt 26th March 2022 (Sat) tlai dar 3:30pm  khan Serchhip-ah vantlang inkhawm buatsaih a sawi ani.


MPCC  in Serchhip Bazar Tuala Vantlang Inkhawm a  buatsaihah  Pu Lalsawta, President, MPCC chuan  thu sawiin, "Mizo mipuite hi keimahni leh keimahni kan inchhanchhuah a ngai a, eng ram mahin min chhanchhuak dawn lo. Kei chuan BEISEINA hi ka tlangaupui a ni. Kan thalaite hian keini puitling tawhte, upa zawkte ai hian ram an vei zawk daih a, dikna pawh an duh zawk. Chu chu Mizoram siamtha tura beiseina ka neih chhan a ni. Ka ta a ni lo tih chul ngai khawpa sum ngah nih hi ka tum ve lo," tiin "Politics hi a tha zawnga kan her dik a ngai. Burma ram nasa taka an buai chhante, indona avanga Ukraine buai em em chhan pawh khu Politics vek a ni. Chuvangin, politics-ah hian ka tel ve lo ti ringawt lovin, siamthat tumin theihtawp i chhuah ang u, Politics tha lo hian kan zavaiin min hrut vek tho a ni. Politics hmangin sorkar tha hi i siam ang u. Chutiang tur chuan mitinte thawhpuiah ka sawm che u a ni," a ti bawk.


Pu Lal Thanzara, MPCC Vice President pawhin thu sawiin, "Pu Lalsawta kaihhruaina hnuaiah MPCC chuan hian sorkar tha zawk siam an tum thute, Chief Minister tha neih duh apiangte chu Pu Lalsawta leh Congress Party  lo thlawp leh hram tura ngein, Nasa taka danglam hi an tum thute. Congress Party-in Mizoram tana hmasawnna nasa tak a lo thlen tawh thinte aia nasa zawk thlen tir hi an tum thute bakah . Mizoram hmasawnna liantham zawng zawngte chu  Congress sorkar hnathawh deuh vek a nih thute, Falkawn Referral Hospital leh Medical college din a, tuna Mizoram a kawngpui zau pui puia laih thar zawng zawngte pawh hi  Congress sorkar laia bul tan vek a ni tiin,MNF-in kawng chhawng leh Traffic Jam Free min tiam a, a taka hmuh tur pakhatmah a la awm lo. Cheng nuai 3 sem an tiam a, cheng nuai 3 dawng chhungkaw pakhat pawh an la awm hek lo," a ti bawk.


Pu Zodintluanga, MPCC Treasurer pawhin thu sawiin, "MNF sorkarna hnuaiah chuan Mizoram Budget hian loneitute hnen a thleng phak lo a, MNF sorkar kum 4 chhung hian Loneituten engmah an la dawng lo; Kamrula te, Abu Majumdar-a te hnen a thleng daih. SEDP hnuaiah Bekang leh Telhawng hmanga  min intodelh tir an  tum mek laiin Assembly zawhnaah SEDP hnuaia tanpuina pek turah Trade thlan fel a la nih loh thu an sawi leh lawi si chuan SEDP hi eng ber hi nge tih pawh hriatthiam har tak a ni ta ani a ti bawk. Pu Zodintluanga chuan  Kum 4 chhunga SEDP sem dan tur engmah ruahmanna a la awm lo hi Mizoram mipuite zah lohna dik tak a ni,"tiin"Hotu lu berin a zir loh chuan a thawhpuite pawhin an zir thei lo a ti a, MPCC  President Pu Lalsawta chuan, "Kan Minister leh MLA-te eirukna, hlemhletna thila mualpho an awm chuan ka ban dawn a ti a, Chutiang a huaisen tur khawp chuan amah hi a dik thu leh chu chu  Minister lo ni tawh thinte pawh hi kan mualpho a nih chuan min ban mai dawn tihna a ni tiin Hetiang taka huaisen hian Pu Lalduhoma te, Pu Zoramthangate hian an la sawi ve ngai lo, an sawi ve ngam pawh ka ring lo ani a ti bawk.


Serchhip Bazar-a Congress Party-in Vantlang inkhawm  hi Pu Lalramnghaka Kawlni ,Prsident,Block Congress Committee,Serchhipin kaihruaiin, he hunah hian   Serchhip khaw tlangval, infiam mi hlawhtling, ISL Player  Mark Zothanpuia chawimawina hun hman a ni bawk.


‘Chhim hrut fehchhuah Programme” ah hian MPCC Office Bearer thar pathumte hi  an kal kim vekin, Khaw hrang hrang 30 chuang  an tlawh a,Congress Party  zawm thar mi 3800 chuang lawmluh an ni bawk.

Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

India khua leh tui,rethei te leh harsa zawk te tana hmathatna hrang hrang -PMJJBY, PMSBY leh APY te Mizoram Rural Bank,Serchhip Branch ah kalpui mek ani

FAI Cat-II International Paragliding Accuracy Chapionship, 2020, Mizoram, India tluang takin zo fel