Serchhip Sub-Hqrs YMA hmalakna in Sava bu (Nest Box) siam leh tar hnatlang neih ani

 Serchhip Sub-Hqrs. YMA hnuaia  Science and Environment  Sub-Committee hmalakna in, kar kalta Inrinni khan   Serchhip Sub-Hqrs. YMA  ram humhalh -Sakhisih Sanctuary-ah  Sava bu chhehna tur (Nest Box) siam /tar hnatlang neih a ni.

Serchhip Sub-Hqrs. YMA in an enkawl Sakhisih Sanctuary hi Serchhip chhimlam khaw dai, Hriangtlang khaw panna kawng bul maia awm niin, kum 20 chuang YMA te hian an lo enkawl tawh  a,Sakhisih Sanctuary-ah hian sava an lo pun zel theihna tur leh thing kawrawng ah bu chhep chi Sava ten an hman tangkai theih turin Sava bu chhehna tur (Nest Box) siam hnatlangah  hian Science and Environment Committee bakah Sub-Hqrs. YMA hruaitute leh SEC member te thawkchhuakin Sava bu chhehna tur(Nest Box) 30 vel siamin, Ngaw chhunga thingkung hrang hrangah  tar nghal a ni.

 Hei bakah hian he hnatlang a thawk te hian an Ramgaw chhunga thing awm hrang hrangah YMA chhinchhiahna te tarin hun an hmang nghal  bawk.

Serchhip Sub-Hqrs. YMA in an enkawl Sakhisih Sanctuary hi veng tur hian thawktu mi pakhat rawih mek niin, Ngaw chhungah hian thing leh mau chi hrang hrang bakah nungcha chi hrang hrang te an awm  mek a ni.