Serchhip a Myanmar raltlan te tan ‘Capacity Building Programe’buatsaih ani : Kar kalta khan Serchhip Hmarveng Presbyterian Kohhran Sunday School Hall ah Serchhip khawpui Veng hrang hrang a Myanmar atanga raltlan awm mek te kohkhawm anni. He hun hi Pi F. Lalnisai, Sub-Deputy Commissioner in kaihruaiin, Pi C Laltleipuii Sub-Divisional Officer (Sadar)Serchhip in thusawiin,thenawm ram(Myanmar)buai avanga raltlan te chungchang ngaihtuahin Mizoram sawrkar in District tina Deputy Commissioner te chu anmahni huamchhung a Myanmar raltlan te puala ‘Capacity building programme’ buatsaih tura atih anga kohkhawm annih thu a sawi a, Myanmar raltlante chu Mizoram a an awm chhungin thlamuang taka awm turte, anmahni himna leh an tana tangkai tur- dan leh thupek te an hriatchian a ngaih thute, kalkhawm te chuan an chhung leh khat bakah an thiante pawh inhrilhchhawng zel turin a chah a ni. Pu Kaste Romalsawma SDPO Serchhip in ‘Dan leh Hrai’hriattur pawimawh leh Foreigner’s Act, 1946 sawifiahna neiin, Pi Lalramdinmawii, Protection Officer, Institutional Care, in Integrated Child Protection Scheme (ICPS) hnuaia hriattur pawimawh te a sawi bawk. He hunah hian Raltlante chu veivah leh awmhmun sawn chungchangah mahni duhthu leh duhna hmun hmun a kalsawn a remlo tih hrilhriat niin, veivah leh awmhhmun sawn tur chungchangah an awmna khawtlang leh VC hruaitute hrilhhriat hmasak a ngaih thute, Mizozram chhung District danga kalsawn turte chuan Deputy Commissioner te an hriattir hmasak ngei ngei a tul thute hrilhhriat anni bawk.