Serchhip-a Dawr rawk leh rukruk hluar chungchang sawiho ani

Lawma Ralte • November 3, 2026 • Comments

 Serchhip-a rukruk leh Dawr rawk hluar chho chungchangah nimin khan Serchhip District Superintendent of Police (SP) Dhirendra Pratap Singh leh Serchhip Chamber of Commerce (CoC) hruaitute chu an inkawm.


Serchhip SP Office-a an inkawmhona ah hian tunhnaia Serchhip khawpui chhunga rukruk leh inrawk hluar chungchang leh a tihrem dan tura tha nia hriat te sawiho niin,Serchhip SP Dhirendra Pratap Singh chuan dawrkaite chu an dawr himna atan leh rukru venna atan CCTV a theih ang anga vuah vek turin a ngen a; Serchhip khawpui chhunga Drugs zuar leh Drugs addict-te punkhawmna hmunte pawh ngawrh zawka Serchhip Police ten an vil tur thu a sawi bawk.

Hei bakah hian Chamber of Commerce hruaitute chuan Holiday-a ‘No Entry’ hun chhung ennawn sak turin an ngen bawk a, Serchhip SP chuan rang taka lo enfel sak a tum thu lo hrilhin,he inkawmhona ah hian Chamber of Commerce hruaitute telin,Serchhip SP hi Addl. SP H. Lalduata bakah SDPO Lalrinzuali leh Dy. SP Lalthlamuana ten an tawiawm a ni.