Fisheries Department,Serchhip leh Keitum Branch YMA tangkawp buatsaih ni hnih chhung awh 'TUICHANG LUI NGHAKUAI CHIAH RUNPUI, 2026' chu hlawhtlingtaka zawhfel ani

 Nimin piah  Dt 30.10.2026 (Friday) atang khan Pi Janet Lalawmpuii, Fisheries Extension Officer,Serchhip District chuan he TUICHANG LUI NGHAKUAI CHIAH RUNPUI, 2026 lo hawng tawhin nimin 31.10.2026 (Saturday)khan  Er.Lalrothanga, Secretary, Fisheries Department hovin a kharna  hun hman leh ani.

Nimin tlaia Tuichang Lei a 'TUICHANG LUI NGHAKUAI CHIAH RUNPUI, 2026'kharna hun hi Pu K.Lalmalsawma, District Fisheries Development Officer,Serchhip District chuan kaihhruaiin,khuallian nia he hun hmanpuitu Fisheries Department Secretary,Er.Lalrothanga chuan,Nikum aia kumin a sangha man an tam zawk chu lawmawm a tih thu a sawi a,Fisheries Department chuan Nghakuai chiah ringawt chu an tum anih  loh thu leh lui dung kan luidung te humhalhna kawngah  nasa leh zual hmalak tirtu  anih tel a beisei thu leh Fisheries Department te chauh nilo mipuite pawhin theihtawp chhuahpui  zel tura sawmin, kan ram Luia Sangha te chu lo pung zel a,kumtin a sangha man runpui neih theih zel anih theih nan tan ila tlang ang u tiin,Mizoram Angling Association (MAA) te chungah  leh Keitum VC&YMA te chungah lawmthu a sawi bawk ani.

Kum 2013 atanga Keitum Branch YMA & VC ten an lo humhalh tawh 'TUICHANG LUI NGHAKUAI CHIAH RUNPUI,2026'ah Mizoram hmun hrang hrang atangin mi thahnemtak fuankhawmin,humhalh sangha chi hrang hrang  thahnemtak an man a,TUICHANG LUI NGHAKUAI CHIAH RUNPUI, 2026 hi Fisheries Department,Serchhip leh Keitum Branch YMA & Keitum VC te bakah Mizoram Angling Association (MAA)ten tawiawmin,a duh apiangte lei theih turin Nghakuai (Fishing Rod) chi hrang hrang an zuar nghal bawk a,nimin a kharna hunah hian Nghakuai hmanga Sangha man Upa ber leh Naupaang ber bakah  Sangha man hnem berte hnenah lawmman pek anni bawk ani.