Chhingchhip khua leh Sainik School Tui lakna tihchangtlun hna zawhfel ani.

 Chhingchhip khua leh Sainik School chawmna tura Tui lakna tih changtlunna hna, Improvement of Chhingchhip Sainik Water Supply Scheme chu thawh zawh a nih hnuah kar liam ta khan Serchhip Bawrhsap Paul L. Khuma chuan a hawng a, he hunah hian Bawrhsap chuan District Catalytic Plan Fund chu District hmasawnna atana Deputy Commissioner tena an hman (disburse) theih tura sawrkarin a tihchhuah a nih thu leh hei hi tangkai taka hman a nih thu a sawi a ni. He tuilakna tihchangtlun hna hi District Catalytic Intervention Plan atangin cheng nuai 19 leh PHE Department atangin cheng nuai 3 senga thawh niin M/S Gangwal Engineering and Construction Company Private Limited ten he hna hi an thawk a, May 14, 2026-ah thawh tan niin October 29, 2026 khan peihfel a ni.

 He tuilakna atan hian Phaisen lui chu Gravity hmanga lak thin niin Tuikum atangin khawl hmanga pump a ni a, tuna khawl bun thar hmang hian Tuikum lui chu pum-in tui harsatna ziaawm tura beisei a ni.