SERCHHIP DIST. JAIL AH RUK RUK VANGA TANG AN TAM BER

 Serchhip District Jail tia kan hriat mai thin, District Prison & Correctional Home, Serchhip  ti a a hming an thlak tak Chhiahtlang dai a mi chu Juvenile Justice Board te chuan tunkar  tawp  lam khan Chhiahtlang dai a Distr.ict Jail an endik.

Inspection Team te hi Pi Josangzeli Principal Magistrate JJB in a hova, Pu Lalhmingsanga Ralte Member JJB, Pi Jane Zodingliani Member JJB, Pu Saidingpuia Sailo Legal Cum Probation Officer DCPU, Serchhip, Pu Lalrinhlua Ukil, Legal Aid Councel JJB, Pu PC Vanlalluna President, Sub-Hqrs. YMA Serchhip leh Pu Kapliana Pachuau President, Serchhip District MJA ten an tawiawm a ni.

Jail Inspection Team te hian Jail thuneitute leh Jail tang te chu kawmin an harsatna te an zawt a, an ni hian Jail a Duty tur Doctor chu sawiloh Nurse Duty tur takngial pawh an neih loh avanga harsatna hrang hrang an tawh thin thu te lo sawiin thuneitute hnena an thlen pawhin awmzia a awm theih loh thu leh an beidawn hial tawh thu an sawi a, Ni 5, August 2025 atang khan Serchhip District Jail a thawk thin Staff Nurse chu Aizawl ah sawn niin, khata tang khan Staff Nurse hi vawiin thlengin an la nei leh tawh rih lo a ni.

District Prison & Correctional Home, Serchhip ah hian Jail tang mi 94 an awm mek a, an zinga mi 87 hi mipa niin mi 8 chu hmeichhia an ni. Ruk ruk vanga Jail tang hi an tam ber a, mi 43 zet niin an zingah hian hmeichhia pakhat a telve. ND&PS Act vanga tang mi 17 awm mekin MLP Act vanga tang mi 16 an awm mek a, kum tlinglo pawngsual (POCSO) vanga tang mi 9 leh chhan dang vanga tang mi 9 an awm mek a ni.

Jail Inspection Team te hian Jail tang te ei tur Artui leh thlai chin tur chihrang hrang an kensak a,District Hospital Serchhip atangin Doctor 2 leh Psychiatrict  Jail tang te hi Free Medical Clinic & Mental Health Awarness an neihpui bakah Family Guidance & Counselling Center (FG&CC), Serchhip atangin Counselling mamawh leh rawn duh tan ruahmanna siam thin a ni bawk ani.