Electoral Roll hlui leh thar khaikhin leh a ni dawn

 India rama Electoral Roll Special Intensive Revision (SIR) kalpui taka Final Electoral Roll thar tarchhuah ah Voters vbc. 13.3 chuang paih an nih chungchangah sawiselna nasa tak a awm avangin Special Intensive Revision (SIR) neih hmaa Electoral Roll leh SIR neih a nih hnua Electoral Roll te khaikhinin a tuldan anga siamrem leh a ni dawn.

Nimin tlai dar 4:00pm 

khan Serchhip DC Meeting Room-ah Deputy District Election Officer, Dorothy Muansangi chuan thuthar thehdarhtute kawmin SIR neih zawh tak chungchang hi a sawi a, ‘Special Intensive Revision neih hma leh neih hnu a Voters te khaikhinin paih awm loh tak paih an awm em?’ tih te, ‘Thun awm taka ngaih thun loh an awm em?’ tih te chu Election Commission of India thuchhuak angin India ram pumah en that leh vek a ni dawn a, Serchhip District-ah pawh uluk takin an endik leh dawn tih a sawi a. Hei bakah hian India khua leh tui dik tak, kum 18 tling chin te Electoral Roll-a thunluh hna chu an kalpui reng dawn tih a sawi bawk.

He hunah hian Deputy District Election Officer hi Election Officer Lalchhanhimi leh AERO Vanthangpuia ten an tawiawm a ni.