MSACS, AVBD Serchhip Branch leh Blood Centre Serchhip buatsaih in Brilliant Higher Sec.School New Serchhip ah 'National Voluntary Blood Donation Day' hman ani

 Vawiin chawhma dar 11:00 AM khan Brilliant Higher Secondary School New Serchhip ah NSS Unit te nen National Voluntary Blood Donation Day 2026 chu ropui tak a hman a ni.

Pu Lalrinnunga Tichhong, PO NSS chuan prograam kaihruai in, Pu T.Biakchamliana, Secretary AVBD in National Voluntary Blood Donation chungchang leh a thlawna thisen pek pawimawhna leh tulna te a sawi a. Pu Lalhruaitluanga,  Superviser , Blood Centre Serchhip in thisen pe turte hriattur hrang  hrangte a sawi bak ah Pi Lalmuanchhani, Psychiatric Nurse, Mental Health in rilru hriselna chungchang zirtirna a pe a, Thisen  mamawh avanga nunna chan an awm lohna tur a theihtawp chhuah tur leh thisen pe zel tura intiam tharna thu tiam neih a ni bawk.

National Voluntary Blood Dination Day pual hian Blood Donation Camp neih nghal niin thisen unit  14 an pein, National Voluntary  Blood Donation Day hi kumtin October ni 1 hian hman thin a ni a, kumin hian  thupui atan "One Drop of humanity. Give Blood. Save Life" tih chu hman a ni a, a thlawna thisen pe thinte infuih tharna hun atan hman thin a ni.