Mizoram Chief Minster leh Serchhip Bialtu MLA ni bawk Pu Lalduhoma'n Serchhip Little Flower Convent School Kum 50-lawmna hun a hmanpui

Lawma Ralte • October 1, 2026 • Comments

 Vawiin Dt 01/10/2026 khan Serchhip a Zirna lian ber Serchhip Little Flower Convent School Kum 50-na(Golden Jubilee)lawmna khuallian nia hmanpuitu Mizoram Chief Minster leh Serchhip Bialtu MLA ni bawk Pu Lalduhoma chuan Golden Jubillee Hall bula School kum 50-na hriatrengna lungphun leh Golden Jubillee puala Volleyball Court thar an siam te chu hawng hmasa in, Serchhip Bawrhsap Pu Paul.L.Khuma chuan khualzahawm niin a telpui bawk.


Serchhip Little Flower Convent  School(LFCS)Kum 50-na pual a an School Golden Jubillee Memorial Hall a Programme hmanah  hian LFCS Principal Sister Wilmai'n inlawmna thu (Welcome Addres) a sawi a,khuallian nia he hun hmanpuitu CM Pu Lalduhoma chuan,Roman Catholic Church chu Mizoram a zirna meichher chhi chho tu hmasa annih thu a sawi a, Serchhip Little Flower Convent Kum 50-na(Golden Jubilee) an thleng chu a lawmpui thu sawiin,Mizoram a  mithiam leh a tha zawng a milar tak tak te pawh  he Kohhran mi leh sa leh Catholic Kohhran School chhuak te annih  thu  leh Serchhip District Bawrhsap Pu  Paul L.Khuma leh Serchhip a Sawrkar Officer(MCS) dang engmawzat te pawh Catholics Kohhran mi leh sa annih thute, Zirna kawngah  Catholics Kohhran ten Mizo mipui  leh Mizoram tana  tha leh zung leh sum leh pai  an thawh nasat ah  lawmthu sawiin, Mizoram Sawrkar enkawl nilo,Mizorama High School hmasa ber chu St Paul HS anih thu leh Catholics Kohhran  chuan Serchhip District  chhung khaw  hrang hrangah pawh  Zirna In changtlung leh tha tak tak an an kalpui mek  chu lawmawm a tih thu te sawi bakah,Mizoram a Zirna In  hrang hrang leh Zirtirtute  chu sawrkarin an mamawh te chu  a  hraitpui thu leh kan ram a  Zirna in hma a sawn zelna turin sawrkarin chaktak hma a lak chhoh mek thu te sawiin, Serchhip Little Flower Convent School te chu an School Kum 50-na lawmpui nan thilpek (Flat TV hlai chi) a hlan nghal bawk ani.

Vawiin a Serchhip Little Flower Convent School  Kum 50-na(Golden Jubilee)lawmna hunah hian  Serchhip Little Convent School  zirlai  nu leh pa (parents) te LFCS  atanga lo zir chhuak tawh (Alumni) te,School Parents & Managenment  Committee member te leh sawmbik thahnemtak te telin, khualzahawm nia he hun hmanpuitu  Serchhip Bawrhsap Pu Paul.L.Khuma te, Ursuline Franciscan Educational Society  atangin Rev.Sister Milly Fernades  leh Vicar General Rev.Father Joseph Lalbiakthanga ten thu an sawi bakah, hun kar lakah Little Flower Convent School zirlai naupangte hnen atangin Items  mit leh beng titlai tak takte ngaihthlak a thlirho thin niin,Auxilairy Bishop of Aizawl Most Rev.Joachim Walder in malsawmna in Programme a khar hnu ah,Jubille lawmna ruai  hlim takin an kilho a ni.

Serchhip Little Flower Convent School  Kum 50-na(Golden Jubilee)lawmna  pual hian Little Flower Convent School (LFCS) Alumni Association chuan tukin zingkar khan Serchhip District Hospitalah Poor Fund an chhun luh bakah, Serchhip a Home hrang hrang Orphanage Home, Hmar Veng, Zoar Recue Centre, New Serchhip,Old Age Home, New Serchhipah leh Family of Christ, New Serchhipah te Charity Funds an hlan bawk ani.

Roaman Catholic Kohhran enkawl  Serchhip Little Flower Convent School hi Kum 1976 khan din tan niin kumin  hi an kum 50 ani a,tun dinhmunah  Class  KG atanga Class 8 thleng awmin,Thawktu /Teacher 34 (non teaching  staff 1) leh zirlai 1007 an awm mek a ni.
One attachment  •  Scanned by Gmail