District Mineral Foundation Fund hmanna dan tur thlirho ani

 Serchhip DC Meeting Hall-a District Mineral Foundation (DMF) Governing Council thutkhawm hi an Chairman leh District Bawrhsap Paul L. Khuma chuan kaihruaiin Serchhip District tana DMF Fund tlingkhawm Rs. 14,55,734/-chu tangkai taka hman dan tur nimin tlai khan  relin,rawtna hrang hrang lutte ngaihtuah ho a ni a. He sum tlingkhawm hi District chhunga Minor Minerals - Lung, Balu leh a dangte lakchhuahna atanga tlingkhawm niin Lung, Balu leh leilung hausakna (minerals) lakchhuah avanga khawtlang leh kan chhehvel boruak (environment)-in a tawrhna hmun (Mining Affected Areas) hrang hrangte chhawmdawl nan leh hmasawnna ruhrel siam nante hman a ni dawn a ni.

He thutkhawmah hian Addl. DC Dorothy Muansangi, SDO (Sadar) Rebecca Laldinmawii Hrahsel, SDC Vanthangpuia, Geologist Zoremsanga, Directorate of Geology & Mining bakah District chhunga Sawrkar Department hrang hrang aiawhte, Sub-Hqrs. YMA aiawhte, Self Help Group aiawhte leh Mineral Concession Holder aiawhte an tel a ni.