Serchhip by-pass Road-a Arch Bridge dinhmun enfiah ani.

 Serchhip by-pass Road a awm Arch Bridge chu nimin  khan a dinhmun enfiah niin,he Lei (Bridge) dinhmun leh thawmthat hna kalpui zel dan turte zirchian a ni a,Serchhip District Administration ruahmanna ang he Lei enfiahtu, Joint Inspection Team te hi Serchhip Addl. DC Dorothy Muansangi chuan kaihruaiin Mizoram University atangin Professor Laldinpuia (Geotechnical Expert) te, PWD Serchhip Division aiawh te, NHIDCL Manager leh Authority Engineer te bakah Contractor te an tel a ni.

'Joint Inspection Team' te hian an zirchianna report mumal taka siamin a tul dan ang zela thuneitu sang zawkte hnena thlen leh tura ruahman a ni. Serchhip by-pass Road-a he Lei hi Mizoram-a Lei dawh zingah leichhuat atanga tehin Lei chhuat sang ber nia hriat a ni a, he Lei dawh a nih dawn khan a hnuaia kawr awm-ah Hume Pipe thahnem tak phumin Lei-a chhilh a ni a,hemi chung zawk a\ang hian Lei dawh hna hi thawh niin tunhnaiah Lei hi tuihawk in nasa taka a lak avangin tunah hian Lei hi a sang leh tawh hle a ni