Pradhan Mantri Krishi Sinchayee Yojana(PMKSY)Scheme hnuaiah Vantlang/Zau pual a tuilak (Community Water Harvesting) hlawhtlingtak kalpui ani.

Lawma Ralte • September 23, 2026 • Comments

 District Rural Development Office(DRDO)Serchhip chuan Serchhip District a Lungkawlh khua -Pachangzawlah  Pradhan Mantri Krishi Sinchayee Yojana(PMKSY)Scheme hnuaiah Vantlang/Zau pualin tuilak (Community Water Harvesting) siamsakin,Pachangzawl a kuthnathawktu/loneitute chu an lawm hle a ni.


Pradhan Mantri Krishi Sinchayee Yojana(PMKSY)Scheme(PMKSY)2.0 Watershed Development hnuaiah hian Serchhip Districtah Project pakhat 'PMKSY Serchhip I'kalpui niin,he Project hian N.Vanlaiphai leh Lungkawlh  khuate a huam a,Project Implementing Agency hi Project Director,District Rual Development Office(DRDO)Serchhip niin,heng khaw pahnih a ram 2400 Hactre a zau a huam/tuam ani.

'PMKSY 2.O' hi Lo neih lama tui harsatna sutkian leh lo neih dan tha zawk hman anih theih nan te, mihring dinhmun chawisan/kan nan te a Central sawrkar leh State sawrkarin a duan niin,he Scheme in a tum lian zual te chu,leilung luangral tur venhim leh tuihna humhalh(Watershed Management)te,tuihna tihpun(Ground Water Recharge)te bakah,ram zau khat huamchhunga loneitute tharchhuah(Productivity)tihpun niin,Serchhip District chhung khaw hrang hranga 'Watershed Committee'te kaltlangin hlawhtlinna hrang hrang neih chhoh mek zel a ni.