Serchhip Bawrhsap, Pu Paul L. Khuma hova Serchhip District chhunga National Highway-54 dinhmun thlirna thutkhawmin a lo rel tawh bawhzuiin vawiin khan Serchhip DC Office leh Serchhip District MJA member ten NH 02 kawngpui siam lai mek a hnathawh dan a hmunah an endik.

 NHDICL hnuaia Kram Infracon Pvt Ltd ten Serchhip District chhung Khumtung to Keitum NH 02 kawngpui Package 2 huamchin Km 65-125 a thui kawngpui chhia leh kawngchhuat khuar siamthat (Pot Hole Repairing) an kalpui leh mek dan bakah an hmanraw hman te chu Serchhip DC Office a SDC leh NH a Line Officer Pu Lalrinhlua Chawngthu leh Serchhip MJA memberte hiana hmunah kalin an zirchiang a,Serchhip District in kawngpui tha leh tlo zawk a neih ngei theih nan hmanraw thalo hman ani em tih te endik niin, kawng chhuat khuar (Pot hole) hnawhna tura lung chang thalo an lo dah/chhawpsa thenkhatte chu paih /replace tir anni a, Lirthei tana tlan nuam tura chak zawka kawng siamthat hna thawk thuai thuai tura an ngen bakah, kawng siamna hmanrua : Bitumen. Lung,GSB etc..tha leh tlo tur ngei hmang turin kawng siamtute chu an ngen thar nghal bawk a ni. 

Vawiin a Serchhip DC Office leh Serchhip District MJA ten NH 02 kawngpui siammek hnathawh dan a hmunah an endik bakah hian Chhiahtlang khaw heltu (By-Pass rao) Km 2.5km a thui leh Serchhip By-Pass road 11.98Kms a thui cheithat hnathawh mek te pawh endik nghalin, he hunah hian Serchhip DC Office tangin Pu Chawngthu Lalrinhlua,SDC leh NH line officer ni bawk leh Pu H.Vanlalhimpuia.NH Staff Serchhip DC Office te,Serchhip Dsitrict MJA President Pu Kapliana Pachuau leh a thawhpuite, Mr.Ram Niranjan Parsad,Resident Engineer,NIHDICL leh Mr.Jiten Raut Field Engineer.NHIDCL te bakah NHIDCL hnuaia kawng siam hnathawktu-(Contractor)- Kram Infaracon Pvt.Ltd. a Public Relation Officer(PRO) Pu Lalhruaitluanga te an tel a ni.