Minister Prof. Lalnilawma hovin Serchhip-ah 'National Space Day 2026' lawm a ni

 awiin Dt.19th August 2026 khan Serchhip DC Pisapui Hall-ah India-in thla leilunga hlawhtling taka thla lem, Chandrayaan-3 a tumtir hriatrengna ni 'National Space Day (NSpD)' hman a ni a, RD&AD Minister Prof. Lalnilawma chuan  khuallian niin a hmanpui.

He hun hi Mizoram Remote Sensing Application Centre (MIRSAC) Member Secretary Pu F. Lalramchuana chuan kaihruaiin, Khuallian ni a he hun hmanpuitu Prof. Lalnilawma chuan hetiang programme huaihawt a ni chu lawmawm a tih thu a sawi a. Tunlai khawvelah Space Science chu ram hmasawnna innghahna pawimawh tak a nih thu sawiin Mizoram sawrkar pawhin ruahmanna (plan) a siamna kawng hrang hrangahte pawh MIRSAC te data nasa taka hman a nih tawh thu leh hmanraw pawimawh ber ber an nih tawh thu te, Zirlaite fuihna thu sawiin 'India chu Space Science-a theihna sang tak nei, thlaa Satellite tumtir thei ram 4-na kan nih mai bakah, thla chhim lam (southern polar region-a) tumtir thei hmasa ber kan ni' a ti a, heng India-in theihna sang tak a neihte hi a hman tangkaina kawng hrang hrangte zir a, Mizoram tana tangkai taka hmang thei turin, he huna kalkhawmte Science & Technology mite leh zirlaite chu Space Science zirna kawngah nasa lehzuala ke pen turin a fuihin,National Space Day 2026  lawmna puala  hSerchhip khawpui chhunga High School zirlai naupangte tan Quiz buatsaih a titha hnenah lawmman a sem nghal bawk a ni.

He hunah hian MIRSAC Member Secretary lo ni tawh, Pu K. Lalrammuana chuan khawtlang leh ram tana vansang thiamna (space technology) pawimawhna leh hman tangkai dante a sawi a, ISRO hmunpui Bengaluru atanga lo kal, Dr Renuka Agarwal, Scientist SG pawhin thu sawiin, North Eastern Space Application Centre(NESAC) atanga lo kal, Dr Rocky Pebam, Scientist SF hnen atangin NE state hrang hranga NSpD hman dan report ngaihthlak ni bawkin,NSpD lawmnaah hian 'Meet the Scientist' tih hun hman ni bawkin, zirlaite tan Scientist-te kawmna hun buatsaih a nih bakah,Audio Visual show leh Exhibition Display te neih niin, MIRSAC-in vansang thiamna hmanga Mizoram leh Serchhip district hmun hrang hrang an zirchiannate pholan a ni bawk.

Kum 2023 August 23-a India-in thla leilung chhim lama a thlalem kahchhuah, Chandrayaan-3 chu hlawhtling takin a tumtirna hriat reng nan, India sawrkar chuan August 23 hi National Space Day atan puang a,he Ni hi Pathian Ni anih anih avang Mizoram ahchuan vawiin khan   a. ISRO bultumin kum 2024 atang khan kum tinin, August thla tir atangin India ram pumah hman thin a ni a,North eastern Space Application Centre(NESAC) leh Mizoram Remote swensing Application Centre(MIRSAC) kaihhruaina hnuaiah district hrang hrangah hman thin lo ni tawhin,remchan zawkna avangin  vawiin khan National Space Day hi Serchhipah  hman ani ta ani.