Ramchhung hmundangte rualin Serchhip leh a chhehvelah pawh 'MHIP DAY VAWI 52-NA' hlimtaka hman a ni

 Vawiin July 6, 2026 (Thawhtanni) hi Mizoram-a Hmeichhe insuihkhawmna, Mizo Hmeichhe Insuihkhawm Pawl (MHIP) dinchampha vawi 52 na a ni a, sawrkar Pisa chawlh-a puan a nih angin sawrkar Pisa leh zirna In te khar a ni bawk.

Kumin MHIP Day hi Serchhip khawpui chhunga  MHIP Branch te chuan anmahni remchan dan ang ang a Programme duangin, chawhma lamah Member meet leh chawhnu lamah intihhlimna leh infiamna  hunte a hmangin,tlai lamah MHIP Day lawmna Ruai an theh tlangpui hlawm bawk a ni.

Vawiin MHIP DAY VAWI 52-NA pual hian  SERCHHIP KAWNPUI SOUTH BRANCH te chuan  Serchhip District Park,Dawngzawlah  Programme buatsaihin, hun khatna hi Nl. H. Lalbiakzauvi, President in a kaihruai a. An member chatuan ram panta mi 4 sunna hmangin, MHIP General Headquarters President Pi Lalliani thuchah chhiarchhuah ni bawkin,MHIP Secretary Pi Rodingliani  Sailo leh Fin. Secretary Pi Lalthanmawii te hnen atangin report ngaihthlak a ni bawk a,MHIP Serchhip Kawnpui Branch te hian MHIP Day vawi 52-na pual hian Faina hnatlang an lo nei tawh a.Tukin MHIP Day zing khan Serchhip Bazar ah a duh apiang in turin MHIP Day pualin thingpui an lo  sem tawh  bawk a,Programme karlakah hian  zaithiam tak tak ten zaiin an kalkhawmte an awi bawk a,Chawhnu lam hun hnihna hi intihhlimna hun atan hman niin, infiamna chi hrang hrangte neiin hun hlimawm tak hmangho in, tlaiah MHIP Day lawmna ruai hlimtakin an kilho bawk ani.

Serchhip Kawnpui North Branch MHIP te chuan  Serchhip Kawnpui 'N'Branch  YMA Library hall ah MHIP Day vawi 52-na pual hian hun hmangin,Pi K.Laldinthari, President SK;N; Branch MHIP chuan a kaihhruai a,Pu Lalhmangaiha Chawngthu chuan Khuallian nia hman puiin,MHIP chu Mizo Hmeichhiate tan a pawl tangkai leh chhenfakawm an nih ziate sawi in, engkimah thawhhona tha tak nei zel turin a chah a, khawtlang leh chhungkua ah nute pawimawhna sawiin kan khawtlang leh chhungkua ah changkanna leh danglamna chu nute hian an thlen thei a, thil tha leh faina inzirtir kawngah tan la zel turin a chah bakah MHIP Sam "I dam thin maw zuapa" tih chu a chhiarchhuah ani bakah Secretary leh Fin report te ngaihthlak niin nikum MHIP Day leh kumin MHIP Day inkar a an member boral mi 4 sunna an nei a, Serchhip Kawnpui'N' MHIP member zaithiam tak tak ten zaiin kalkhawmte an awi a, chawhnu lam ah intihhlimna hun hmangin tlaiah MHIP Day lawmna ruai an kilho bawk a ni.

Hriattheih chinah,Serchhip Chanmari Branch te chuan vawiin MHIP Day hi Zotawna Picnic Spotah hmangin New Serchhip Branch MHIP te chuan New Serchhip YMA Hallah MHIP Day pual hian Programme hlimawm tak an hmangho bawk a ni.