Eirawngbawlna gas rate bithliah thar ani

 IOCL-in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate chu bithliah thar a ni a, FCS & CA chuan order tichhuakin he rate thar hi July ni 1, 2026 atanga hman tan a ni a, rate tharah chuan Mizoram pumpui (Vairengte tih loh)ah 14.2 KG Domestic chu Rs 1094.00 a ni a, 19 Kg Commercial chu Rs 3,425.50 a ni a, 19KG XtraTeJ chu Rs 3,448.00 niin, 10 KG Composite chu Rs 787.00 a ni. Vairengteah chuan 14.2 KG Domestic chu Rs 1,085.00 a ni a, 19 Kg Commercial chu Rs 3,411.00 a ni a, 19KG XtraTeJ chu Rs 3,433.50 niin, 10 KG Composite chu Rs 777.00 a ni

Domestic rate tarlante hi Aizawl Municipal Area leh District Hqrs.-ahte 'home delivery' kalpui tawh tur a nih avangin Rs 70/- aia tam lo belh zel tur a ni a, Godowna hralh erawh chuan `33.43 zel paih thung tur a ni a, Home Delivery-a kalpui thei lo veng, point delivery kalpuinaah chuan Rs 7.53 belh zel tur a ni a, Home Delivery-ah hian 10 Kgs. Cylinder sem tel a nih chuan cylinder pakhatah Rs 70/- belhin, 5 Kgs. Cylinder-ah chuan Rs 20/- belh tur a ni.

 LPG Distributor tinte chawm tur khuate chu sawrkar thupek angin a hlat zawng leh pawisa chawi belh ngai zat tarlan hmangin a chunga rate tarlan atanga chhutchhuakin sem thin tur a ni ang.