Tunhnaiah Serchhip District Jail-ah tang an tam avanga Mipa Ward-a awm te an chep avangin Ward thar pakhat siam belh a ni.

 Serchhip District Jail hi mi 128 tan theihna tura ruahman niin mipa 88 leh hmeichhia 40 tang thei tura ngaih a ni a, Mipa tan Ward pahnih awmin hmeichha tan Ward pakhat a awm \hin a, tunhnai thla 2/1 kalta chhung khan Serchhip District Jail-ah hian Mipa Jail tang an tam tak deuh avangin Mipa tana Ward pahnih siam ah hian an chep ta deuh a, hei vang hian tunhnai  khan Ward thar pakhat siam niin heti hian Serchhip District Jail-ah hian Mipa tan Ward pathum leh hmeichhe tan Ward pakhat  awm ta a ni.

Serchhip District Jail-ah hian nimin tlai thleng khan Jail tang mipa 97 leh hmeichhia 11 bakah nu te an tan avanga tang ve naupang pakhat, an vaiin mi 109 an tang mek a, heng Jail tang zinga mipa 63 leh hmeichhia 8, an vaiin mi 71 te chu an thubuai ngaihtuah lai niin midang 37 te chu an thubuai ngaihtuah tawh leh thiamloh chantir tawh te an ni a. Thiamloh chantir tawh zinga mipa 32 leh hmeichhia pahnih te chu thubuai tenau-a thiamloh chantir an nih laiin Mipa pahnih leh hmeichhia pakhat te chu hrehawm taka tak tura an chungthu rel te an ni.