ERCHHIP-AH 'DISTRICT LEVEL COMMITTEE ON NASHA MUKT BHARAT ABHIYAN'THUT KHAWM ANI

 District Level Committee on Nasha Mukt Bharat Abhiyan Committee chu nimin Dt 19th June 2026 tlai  khan an Chairman, District Bawrhsap Pu Paul L. Khuma hovin a pisa-ah an thu khawm a. June ni 17 atanga ni 26, (International Day Against Drug Abuse & Illicit Trafficking) thleng awh tur Nasha Mukt Saptah (Drug-Free Week) chungchang leh Serchhip-a he hun hman dan tur chungchangte sawi ho a ni.

Chairman, Serchhip District Bawrhsap Pu Paul L. Khuma chuan Ruihhlo do kawngah sawrkar leh mipuite tanrual a ngaih takzet thu sawiin, he hapta hman mekah pawh hian mipuite'n ruihhlo that lohzia leh ram leh hnam hmelma a nih dante hre thar leh a, uar lehzuala ruihhlo laka kan fihlim theih nan, mahni hmazawn theuha theihtawp chhuahpuiah Serchhip mipuite a sawm a ni.

Meeting-ah hian Sub-Deputy Commissioner Pi Lalchhanhimi hnen atangin he hapta hman chhunga sawrkar department hrang hrangte leh mipuite'n kan tih ve tur chanvote (action plan) ngaihthlak a ni a. Mipuite'n ruihhlo laka fihlim tura intiamna - online mass pledge te, signature campaign te, media kaltlang awareness programme te, ruihhlo ngaite tan health camp te, yoga-meditation te, walkathon/a huhova kawngzawh leh two-wheeler rally te bakah, College zirlaite tan slogan-writing competition te he Drug-Free Week/Nasha Mukt Saptah chhung hian neih tura ruahman a ni.