'Thing hi rangkachak ang a hlu,nunna tinreng bul ani' tih thupui a hmangin Serchhipah pawh 'Green Mizoram 2026'puala hun hman niin, thing tiak thahnemtak phun ani.

Posted by on

 Nim



in Dt 11/06/2026 a Serchhip a  Green Mizoram Day  2026 Ni hawnna inkhawm Serchhip DC Pisapui Hall a buatsaih chu Dr.R.Lalnungrenga,DFO Thenzawl  Division chuan kaihruaiin,khuallian nia he hun hmanpuitu Green Mizoram  District Level Committee Chairman leh Bawrhsap ni bawk Pu Paul.L.Khuma chuan Green Mizoram Day 2026 hawnna thu sawiin,Bible zirtirna atangin thilsiam te chunga mihringten thu kan neih dan leh enkawl tur kannih thute,thing hlut zia te,thingphun enkawl leh venhim kawnga mipuite  mawhphurhna hrang hrang te,Global Warming in kan nitin nunphung a nghawng dan te bakah, Green Mizoram Ni kan hman chhan diktak hre thar leh turin mipui sawm a,puitling taka thingphun nun thatah te inel tur a chahin, Bawrhsap hian  Kangmei venna kawnga titha te hnenah lawmman a sem nghal bawk.


Serchhip District chhunga Kangmei venna kawng a thawk tha ber khua chu :  Leng khua niin(Leng khua hian State  Level ah pawh lawmman pakhatna an la bawk) pahnihna- E.Lungdar leh pathumna -Chhingchhip Mualpui te anni a,Kangmei venna kawng a YMA Chanchinbu a titha te chu pakhatna- Serchhip Kawnpui 'N'Branch YMA , Pahnih na - Serchhip Hmar Veng Br YMA leh pathumna - Serchhip Chhim Veng Br YMA te anni.


He hunah hian Dr.C.Vanlalnghaka,Asst Professor ,Department of Zoology,Govt Serchhip College in Mihring te leh nungcha te tana thing hlutzia leh pawimawhna na hrang hrang te power point presentation hmangin a tarlang ani.


Nimin Serchhip  a Green Mizoram Day 2026 pual programme buatsaihah hian Pu C.Lalhminghlua, Honorary Wildlife Warden leh Green Mizoram District Level Comt member ni bawk kaihruaina in Enviroment tha  siam/nei tura intiamna(Pledge) sawi/chhan rual niin, he hunah  Serchhip a Sawrkar pisa hrang hrang a thawktute, zirlai naupang te leh chanchinbu mite telin, Serchhip Sub Hqrs YMA Zaipawl leh mimal zaithiam te an zai bawk. 


Nimin Green Mizoram Day 2026' pual hian Serchhip a Sawrkar pisa hrang hrang thawktute leh MJA )SD) member ten vawiin nileng  khan Serchhip  Kikawn leh Keitum inkarah thing tiak engemawzat an phun bawk ani.

Comments

Post a Comment

Popular posts from this blog

Lungkawlh leh N.Vanlaiphai khaw inkarah Heroin Hawng 91 zet man a ni !!

Posted by on
Image
  Serchhip District chhunga Lungkawlh ram ah niminpiah  khan Heroin nia hriat Hawng 91 zet man a ni a, hemi kaihhnawih ah hian mi pahnih man an ni bawk. Serchhip Police District Special Branch (DSB) leh Mizoram Police CID (SB) Serchhip Sector bakah Border Security Force (BSF) 34 Bn. Dawngzawl leh Addl. Field G Team, Lunglei te chuan an thudawn bawhzuiin nimin khan Joint Operation neiin Serchhip District chhung Lungkawlh leh North Vanlaiphai inkar, Lungrawlh ram-a Thingpui Huan Mual-ah Heroin nia hriat Kenbo Bike-a rawn phurh Hawng 91 hi an man a, ruihhlo te hi Myanmar atanga rawn lakluh nia hriat niin hemi kaihhnawih ah hian Chaksangthanga (29), Dawn, Myanmar leh Robinson (29), Ruabuk, Myanmar nia inchhalte pawh man nghal an ni a, thubuai siam sak an ni.  Heng Heroin nia hriat an man hi a vaiin gram 1129.39 (kg. 11.293) niin Rs. 225,87,800/- man nia chhut a ni
Kimchang zawkin »

Serchhip-a Bharti Gas hmangtute chuan July 2026 chhunga an Cylinder leh Consumer Card te thehlut tura tih an ni..!

Posted by on
Image
  New Serchhip Venglai-a inbun Bharti Gas hian a tirah mipuite hnenah Supply tha tak nei thin mah se, tunah erawh Gas pek tur an neih tawh loh avangin an consumerte’n harsatna an tawk a. He harsatna chungchang hi Serchhip District Consumers Association chuan Serchhip District Magistrate hnenah thlenin nimin khan District Magistrate kaihhruaina in Bharti Gas aiawh leh District Consumer Association aiawhte chuan Bawrhsap Pisa-ah an sawiho a ni.  He thutkhawmah hian Consumer Association-te rawtna. Consumer-te’n an Gas cylinder-te pek let a, an lo insenral tawhna te pek let nise tih chu Serchhip-a Bharti Gas Dealer-te chinfel theih piahlam thil a nih avang leh Court case kallai anih avangin Court thutlukna ngaihchan nise an ti a. Bharti Gas Agency-te chuan karleh June ni 6 hmain an Consumer list-te an submit ang a, Bharti Gas consumer-te chuan July thla chhungin, Bharti Gas ten Collection Centre an siamah an Cylinder leh Consumer Card te an thehlut ve leh ang a, Bharti Gas Cylinde...
Kimchang zawkin »

Serchhip District Covid-19 update -- Serchhip District ah Covid -19 Positive enkawllai 27 (DCHC-5, CCC- 22) leh Govt. Quarantine Facility a awm mek (Khunghran) Mi 81 an ni

Posted by on
  Vawiin Dt 31st Aug2020 khan Govt Quarantine Facilities Centre-(Thenzawl Tourist Lodge ) khunghran mekte zingah  Inkhunghranna hun hmang zo  mi 4 chu chhuah tir  leh niin , tun dinhmun ah, Covid-19  avanga sawrkar inkhunghranna siam – Govt Quarantine Facilities Centre ah mi 81 khunghran mek  niin, Covid 19 positive te enkawlna hmun tur a buatsaih District chhung a  Covid Care Centre pathum  ah Positive  enkawllai  mi 27 (Ayush Hospital, Thenzawl - 10, SIRD Hostel-5, Nursing School -12 )an awm mek bawk  ani.
Kimchang zawkin »