RD&AD MINISTER PROF. LALNILAWMA’N N. MUALCHENG KHUA-AH ' PANCHAYAT BHAWAN (VC HOUSE)' SAK THAR A HAWNG

Posted by on

 Vawiin 4th June 2026 khan RD&AD Minister Prof. Lalnilawma’n Rastrya Gram Swaraj Abhiyan (RGSA) hnuaia  cheng  nuaih 20 senga sak N. Mualcheng khuaa 'Panchayat Bhawan (VC House) sak thar chu a hawng. RD&AD Minister hi Hrangturzo Bialtu MLA Pu Lalmuanpuia  Punte-in a tawiawm a ni. 


Minister Prof.Lalnilawma chuan N. Mualcheng khuaten VC House(Panchayat Bhawan) thar tha leh changtlung tak an nei ta chu a lawmpui thu a sawi a, sum estimate sang vaklo-a hetianga khawtlang tana ro (asset) tha, sa thei tura an thawh ho thatnaah khawtlang  hruaitute fakin, a enkawl zuina lamah pawh theihtawp chhuah chhunzawm zel turin a chah nghal a. VC hlawhte pawh tih pun a nih nan en hoa, zirchian chhoh mek a nih thu sawiin politics tui nu tel lo-a khawtlang hmasawnna tura tanrual a pawimawh thu te, India ram sawrkarin VC te chuan Own Source of Revenue lam ngai pawimawh tura a duh angina, khawtlang tana thil ṭangkai,  sum hai lut thei tur lamah ngaihtuahna an sen nasat a ṭul thu a sawi bawk. N. Mualcheng VC ten 15th FC atanga an inhlawhna  sum hlep atanga an lei, Bawlhlawh Bawm (Plastic Dust Bin) chu Mualcheng khua  Zirna In hrang hrangte hnenah a sem nghal bawk a ni.


Hrangturzo Bialtu MLA Lalmuanpuia  Punte pawhin thu sawiin N.Mualcheng khua chu khaw taima leh sawhthing pawh thar hnem khua an nih thu te, khuarel chhiatna an tawrh nasat thute a hriatpui thu sawiin, kuthnathawktute tana tangkai leh pawimawh em em tui lakna pawh Irrigation Department-in Pilot Project hmanga ruahmanna an kalpui mek thu a sawi bawk.


RGSA hnuaiah hian  Mizoram a khaw 5-te tana  'Panchayat Bhawan' sakna tur chhuak zingah , N. Mualcheng khua hian VC House sakna tur hi Rs 20 lakhs hmuin, Estimate ang chuan 26×28 tur ni mahse, VC sitting chuan an inhlawh ve na atangin 1lakhs dah belh ni se tiin, RCC Concrete-in  a dung feet 37, a vang feet 33-a liana sak a ni ta a; VC House-ah hian VC Sitting Room, VCP Room, Kitchen, Toilet leh Conference Hall-te  a awm a, a sak hna hi nikum 2025 May Ni 28 atang khan thawh tan niin, vawiinah hawn a ni ta a ni.


Vawiin hun hmannah hian DRDO Serchhip  Project Director leh DLAO ni bawk  Dr. Malsawmtluanga Fanchun leh E. Lungdar BDO Dr. Marylin Lalruatkimi te bakah  sawrkar mi pawimawh dangte, N.Mualcheng khuaa  Self Help Group member te,khawtlang hruaitute an tel a ni.







Comments

Post a Comment

Popular posts from this blog

Lungkawlh leh N.Vanlaiphai khaw inkarah Heroin Hawng 91 zet man a ni !!

Posted by on
Image
  Serchhip District chhunga Lungkawlh ram ah niminpiah  khan Heroin nia hriat Hawng 91 zet man a ni a, hemi kaihhnawih ah hian mi pahnih man an ni bawk. Serchhip Police District Special Branch (DSB) leh Mizoram Police CID (SB) Serchhip Sector bakah Border Security Force (BSF) 34 Bn. Dawngzawl leh Addl. Field G Team, Lunglei te chuan an thudawn bawhzuiin nimin khan Joint Operation neiin Serchhip District chhung Lungkawlh leh North Vanlaiphai inkar, Lungrawlh ram-a Thingpui Huan Mual-ah Heroin nia hriat Kenbo Bike-a rawn phurh Hawng 91 hi an man a, ruihhlo te hi Myanmar atanga rawn lakluh nia hriat niin hemi kaihhnawih ah hian Chaksangthanga (29), Dawn, Myanmar leh Robinson (29), Ruabuk, Myanmar nia inchhalte pawh man nghal an ni a, thubuai siam sak an ni.  Heng Heroin nia hriat an man hi a vaiin gram 1129.39 (kg. 11.293) niin Rs. 225,87,800/- man nia chhut a ni
Kimchang zawkin »

Serchhip-a Bharti Gas hmangtute chuan July 2026 chhunga an Cylinder leh Consumer Card te thehlut tura tih an ni..!

Posted by on
Image
  New Serchhip Venglai-a inbun Bharti Gas hian a tirah mipuite hnenah Supply tha tak nei thin mah se, tunah erawh Gas pek tur an neih tawh loh avangin an consumerte’n harsatna an tawk a. He harsatna chungchang hi Serchhip District Consumers Association chuan Serchhip District Magistrate hnenah thlenin nimin khan District Magistrate kaihhruaina in Bharti Gas aiawh leh District Consumer Association aiawhte chuan Bawrhsap Pisa-ah an sawiho a ni.  He thutkhawmah hian Consumer Association-te rawtna. Consumer-te’n an Gas cylinder-te pek let a, an lo insenral tawhna te pek let nise tih chu Serchhip-a Bharti Gas Dealer-te chinfel theih piahlam thil a nih avang leh Court case kallai anih avangin Court thutlukna ngaihchan nise an ti a. Bharti Gas Agency-te chuan karleh June ni 6 hmain an Consumer list-te an submit ang a, Bharti Gas consumer-te chuan July thla chhungin, Bharti Gas ten Collection Centre an siamah an Cylinder leh Consumer Card te an thehlut ve leh ang a, Bharti Gas Cylinde...
Kimchang zawkin »

Serchhip District Covid-19 update -- Serchhip District ah Covid -19 Positive enkawllai 27 (DCHC-5, CCC- 22) leh Govt. Quarantine Facility a awm mek (Khunghran) Mi 81 an ni

Posted by on
  Vawiin Dt 31st Aug2020 khan Govt Quarantine Facilities Centre-(Thenzawl Tourist Lodge ) khunghran mekte zingah  Inkhunghranna hun hmang zo  mi 4 chu chhuah tir  leh niin , tun dinhmun ah, Covid-19  avanga sawrkar inkhunghranna siam – Govt Quarantine Facilities Centre ah mi 81 khunghran mek  niin, Covid 19 positive te enkawlna hmun tur a buatsaih District chhung a  Covid Care Centre pathum  ah Positive  enkawllai  mi 27 (Ayush Hospital, Thenzawl - 10, SIRD Hostel-5, Nursing School -12 )an awm mek bawk  ani.
Kimchang zawkin »