SERCHHIP DISTRICT-A BLO LEH ADDITIONAL BLO TE TAN ‘TRAINING ON DIGITIZATION OF ENUMERATION FORMS’ BUATSAIH A NI

Posted by on

 Special Intensive Revision (SIR) 2026 kalpui mekah vawiin Dated 5th June 2026 khan Serchhip District-a Polling Station hrang hranga BLO leh Addl. BLO te tan, BLO Apps-a Enumeration Forms ziah luh dan, ‘Training on Digitization of Enumeration Forms’ buatsaih a ni a. Serchhip, Thenzawl, E. Lungdar leh N. Vanlaiphai-ah te training hi neih niin, nimin khan Chhingchhip leh Khumtung-ahte neih a lo ni tawh bawk.


Vawiina Digitization Training hi, Serchhip-ah chuan Serchhip DC Pisapui Hall-ah neih niin Serchhip I-XII, New Serchhip I-V, Hriangtlang, Keitum I&II, Bungtlang I&II, Sialhau, Chhiahtlang I-V Polling Station amite an tel a. E. Lungdarah chuan BDO Office ah neih niin E. Lungdar I-III, Biate I & II, Mualcheng I& II, Leng, Sailulak amite an tel a; N. Vanlaiphai I-IV, Lungkawlh, Bawktlang, Sialsir, Lungchhuan, Chekawn Khawlailung I&II, Piler tan N. Vanlaiphai SDO (C) Office ah neih ni bawkin, Thenzawl I-X, Buangpui, Neihloh te tan SDO (C) Office, Thenzawl-ah Training hi neih a ni bawk a. Heng bakah hian Rullam, Lungpho, Ngentiang, Thinglian, Hmunzawl leh Vanchengte amite’n an remchanna hmunah training hi an zawm ve bawk a ni.

Nimin khan Serchhip District-ah chuan Enumeration Form 100% sem zawh a ni tawh a; Enumeration Form te hi inziaklut turte’n an dahkhah zawhah BLO te hnenah thehluh leh tur a ni a, BLO te hian Enumeration Form dahkhah tawh sate chu ‘BLO App’ hmang hian computer system-ah an thehlut (enter) leh vek dawn a ni.


Comments

Post a Comment

Popular posts from this blog

Lungkawlh leh N.Vanlaiphai khaw inkarah Heroin Hawng 91 zet man a ni !!

Posted by on
Image
  Serchhip District chhunga Lungkawlh ram ah niminpiah  khan Heroin nia hriat Hawng 91 zet man a ni a, hemi kaihhnawih ah hian mi pahnih man an ni bawk. Serchhip Police District Special Branch (DSB) leh Mizoram Police CID (SB) Serchhip Sector bakah Border Security Force (BSF) 34 Bn. Dawngzawl leh Addl. Field G Team, Lunglei te chuan an thudawn bawhzuiin nimin khan Joint Operation neiin Serchhip District chhung Lungkawlh leh North Vanlaiphai inkar, Lungrawlh ram-a Thingpui Huan Mual-ah Heroin nia hriat Kenbo Bike-a rawn phurh Hawng 91 hi an man a, ruihhlo te hi Myanmar atanga rawn lakluh nia hriat niin hemi kaihhnawih ah hian Chaksangthanga (29), Dawn, Myanmar leh Robinson (29), Ruabuk, Myanmar nia inchhalte pawh man nghal an ni a, thubuai siam sak an ni.  Heng Heroin nia hriat an man hi a vaiin gram 1129.39 (kg. 11.293) niin Rs. 225,87,800/- man nia chhut a ni
Kimchang zawkin »

Serchhip-a Bharti Gas hmangtute chuan July 2026 chhunga an Cylinder leh Consumer Card te thehlut tura tih an ni..!

Posted by on
Image
  New Serchhip Venglai-a inbun Bharti Gas hian a tirah mipuite hnenah Supply tha tak nei thin mah se, tunah erawh Gas pek tur an neih tawh loh avangin an consumerte’n harsatna an tawk a. He harsatna chungchang hi Serchhip District Consumers Association chuan Serchhip District Magistrate hnenah thlenin nimin khan District Magistrate kaihhruaina in Bharti Gas aiawh leh District Consumer Association aiawhte chuan Bawrhsap Pisa-ah an sawiho a ni.  He thutkhawmah hian Consumer Association-te rawtna. Consumer-te’n an Gas cylinder-te pek let a, an lo insenral tawhna te pek let nise tih chu Serchhip-a Bharti Gas Dealer-te chinfel theih piahlam thil a nih avang leh Court case kallai anih avangin Court thutlukna ngaihchan nise an ti a. Bharti Gas Agency-te chuan karleh June ni 6 hmain an Consumer list-te an submit ang a, Bharti Gas consumer-te chuan July thla chhungin, Bharti Gas ten Collection Centre an siamah an Cylinder leh Consumer Card te an thehlut ve leh ang a, Bharti Gas Cylinde...
Kimchang zawkin »

Serchhip District Covid-19 update -- Serchhip District ah Covid -19 Positive enkawllai 27 (DCHC-5, CCC- 22) leh Govt. Quarantine Facility a awm mek (Khunghran) Mi 81 an ni

Posted by on
  Vawiin Dt 31st Aug2020 khan Govt Quarantine Facilities Centre-(Thenzawl Tourist Lodge ) khunghran mekte zingah  Inkhunghranna hun hmang zo  mi 4 chu chhuah tir  leh niin , tun dinhmun ah, Covid-19  avanga sawrkar inkhunghranna siam – Govt Quarantine Facilities Centre ah mi 81 khunghran mek  niin, Covid 19 positive te enkawlna hmun tur a buatsaih District chhung a  Covid Care Centre pathum  ah Positive  enkawllai  mi 27 (Ayush Hospital, Thenzawl - 10, SIRD Hostel-5, Nursing School -12 )an awm mek bawk  ani.
Kimchang zawkin »