Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

SUB HQRS YMA SERCHHIP CHUAN SERCHHIP AUDITORIUM AH ROREL INKHAWM AN NEI A, YMA LEH PWD TE THAWHHONA TIHTAWP AN DUH

 Dt 26thApril 2022 chawhma dar 11 khan Pu R.Kawlthuama, President SYMA Serchhip kaihhruaiin rorel inkhawm hi neih a ni a, he hunah hian member boral mi 268 sunna hun Pu R.Sanghingthanga, SEC member kaihhruaiin neih a ni a Pu Zolianmawia Fin Secy hnen atangin sum dinhmun report ngaihthlak a ni bawk.


Serchhip Sub Hqrs YMA rorel chuan YMA khawih Agenda pahnih, "Nungcha humhalh hi chak lehzuala hmalak ni rawhse"; tih leh "Myanmar raltlante hi enkawlna mumal leh khuahkhirhna fel tak siam anih theih nan Sub-Hqrs YMA Serchhip in hma la rawh se" tihte chu pass ani.

Sorkar khawih ah Tuichangral South Group atanga agenda lut,YMA leh PWD in Memorandum of Understanding an ziah hi tihtawp anih theih nan hmalak ni rawhse.” tih chu CYMA a thlen turin pass a ni a agenda dang, Forest Deptt. in Lungpho ah Range Office thar hawn anih theih nan Sawrkarah thlen ni rawh se tih te, Chawmkai leh Zote South inkar kawng tha taka siam anih theih nan Sub-Headquarters YMA in hma la rawh se tihte an pass bawk.

Chawhnu lamah Pu Lalrammawia, V.Pre kaihhruaiin vantlang inkhawm neih a ni a, Pu Fabian Lalfakawma, Treasurer CYMA chuan kumpuan thupui sawiin, “Ram leh hnam humhalh chu a ram neitute mawh a ni  ati a, ram leh hnam humhalh tur chuan Zirna te, ruihlo do kawng ah te, chi thlah kawngah te, leh Zo nunzemawi humhalh leh hnam incheina uar kawngah te ramngaw leh nungcha humhalh kawngah te tanlak a tul a, dikna leh rinawmna nen kan sakhua ah nghet takin i awm reng ang u a ti a, tangka sum ngainatna hian kan rilru a tichhe nasa hle a, hlemhletna leh ruihhlo do tur hian YMA te i tang saiuh sauh angu” a ti ni.
He hunah hia Pu Vanlalluna Secretary Sub hqrs YMA hnen atangin report ngaihthlak a ni a,Kumpuan Committee atangin Kumpuan bawhzui tha lawmman chihrang hrang sem a ni a, Sub Hqrs YMA Zaipawl, Nl.Laithangpuii, Nl F.Lalremruati leh Nl Lalnunsiami Khiangte hnen atangin zai mawi tak takngaihthlak niin Sub Hqrs YMA Cultural troup ten hnam lam an entir bawk.

YMA Sub hqrs YMA ah hian YMA group 3-  Vantawng group, Tawitlang group leh Tuichangral south group te a awm a. Branch 74 awmin, member zawng zawng chu 37,448 a ni. Vawiina rorel tura palai kalkhawm hi mi 283 an ni.

Kum 2022-2023 Budget atan Rs.4,58,700 chu lugrual takin pawm a ni bawk.

Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

FAI Cat-II International Paragliding Accuracy Chapionship, 2020, Mizoram, India tluang takin zo fel

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle