Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Posted by on
Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh
Post a Comment

A vawikhatna leh hmasaber atan Eirawngbawlna Gas(LPG)Home Delivery System kalpui tanna hun Serchhipah hawn ani

Posted by on

 Dt 10/5/2022 khan MIZOFED  leh District Consumer Association Serchhip buasaihin A vawikhat na atan LPG Home Delivery a kalpui tur hawnna P&E YMA Hallah neih niin,he hun hi MIZOFED Chairman Pu K Rothangpuia'n a kaihhruaiin,Pi Ramdinliani,Secretary, FCS&CA  in khuallian niin a hmanpui ani.


Serchhipah a vawikhatna  leh   a hmasaber  tur  atan  LPG Home Delivery System  Serchhip P&E Veng a kalpui tur hawnna inkhawmah hian  Khuallian Pi Ramdinliani Secretary,FCS&CA chuan , Ramchhung khawpui dangah Home Delivery System mai  nilo Pipeline Connection hmanga eirawngbawlna gas an lak vek tawh laia Serchhip P&E Vengah Home Delivery System hawnna hun hman ani ve chauh chu  lehlam zawng chuan a lungchhiatthlak zawk a tih  thu a  sawi a,  Mizote chu thilthiam chak tak kan nih thute, tunhnaia Covid-19 hrileng avanga LPG mai nilo, Chawhmeh leh eitur hrang hrang home delivery system a kalpui lo thatzia leh tangkai zia  hmuh anih thute sawiin  delivery charge rate rs 70 chu sang deuh angin lang mahse ,Rs 70  chu fixed bur anih loh thute,rs 70 chu a maximum rate anih zawk thu leh Home Delivery Rate rs 70  chu  IOCL ,Gas Distributor te leh Consumer ten tumah intichhe bik lo tura   sawrkarin  rate a siam  dinglai anih rih thu  a sawi a,Home Delivery system chu Gas Distributor te leh khawtlang hruaitute inbiakremna hnuaiah thalai tamtak tan Deliver Boy hna  a siam belh theih zawk thu sawiin Serchhip P&E Venga LPG Home Delivery kalpui tanna tur chu lawm takin a hawng ani.

He hunah hian Pu H Zonuntluanga,President,District Consumer's Associattion Serchhip hnen atangin LPG chungchangah mipuite  tana  District Consumer Association in hma a lo lak tawh dan hrang hrangte,Serchhipah LPG Home Delivery a kalpui anih theihna tur atana Online Booking tihdan  an lo inzirtir tawh dante  sawiin Sawrkar rate biktuk ang Home Delivery rate bur 1 zelah Rs 70 ani chu sang an tih deuh thu leh mahse hun lokal zel turah tun aia rate tlawm/hniam zawk a kalpui chhoh theih an beisei thu a sawiin, Pu FC Malsawmtluanga  Branch Manager ,Mizofed Serchhip  hnen atangin  Serchhip P&E  Venga Home Delivery a kalpui anih theihna tur hian Online Booking Training leh a tul anga inrawnkhawmna anlo neih tawh thute,MIZOFED  Managing Director ten rem an tih ang a  Home Delivery a kalpui hna chu vengchhung  chinchang hre ber tura ngaih   Serchhip P&E Veng Branch YMA ten an kutken tan nghal dawn thu  ngaihthlak a nih bakah Pu C. Lalhmangaihzuala President P&E Branch Serchhip hnen atangin Gas la tura intlar buai ngailo leh hun hehlo zawk a  Serchhip P&E Vengah LPG Home Delivery System kalpui  ani tawh tur chu lawmthu a sawi bawk.

Serchhip a LPG Home Delivery hawnna inkhawmah hian DCSO Serchhip & Legal Metrology Department aiawh te, District Consumer Association leh P&E Veng VC&YMA  aiawh te bakah chanchinbu mite telin,he hun hi  Pu Rinzuala,Managing Director MIZOFED in lawmthu sawiin a  khar ani.

Comments

Post a Comment

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Posted by on
Image
Mizoram Synod Moderator Rev. Dr. Vanlalnghaka  Ralte chuan kar kalta Inrin Ni (Dt 16thJUly 2022) khan Serchhip AOC/Venglai a Family Guidance & Counselling Centre Serchhip,Counsellor Quarters hawngin, Pathian hnenah a hlan Nimin  Dt 16thJuly 2022 khan Mizoram Synod Moderator Rev. Dr. Vanlalnghaka Ralte hian ribbon chep chatin FG&CC Serchhip Counsellor Quarters hi a hawng a, hemi hnu hianQuartes  tharah hawnna leh hlanna inkhawm tawi  neih chhunzawm  nghal a ni. Hlanna inkhawm tawi hi Pastor H. Biakthansanga, Chairman, FG&CC Serchhip Centre in  kaihruaiin, Mizoram Synod Moderator Rev. Dr. Vanlalnghaka Ralte in Counsellor Quarters Pathian hnen a hlanna hun leh thu sawiina neiin, Building sak dan Report, Rev. Rolungmuana Zadeng, Secretary, FG&CC Serchhip Centre hnen aṭang ngaihthlak a ni bawk Inkhawm tawiah hian Rev. J. Lalremsiama, Counsellor FG&CC Main Centre leh  Upa K.L Pakunga, Moderator, Chhimchhak Presbytery ten thusawi bawkin, Chhiahtlang Kawnveng Bialtu Pastor
Kimchang zawkin »

FAI Cat-II International Paragliding Accuracy Chapionship, 2020, Mizoram, India tluang takin zo fel

Posted by on
Image
Dt 13-15th Feb chhunga Serchhip Bawngchawm Tlang a intihsiakna neih zawh tak Fédération Aéronautique Internationale (FAI), Category II International Paragliding Accuracy Championship, 2020, Mizoram, kharna Inkhawm chu Vawiin tlai dar 3;00pmkhan Serchhip Zawlpui Phai (Landing point)-ah hman niin he hun hi Pi Esther Lalruatkimi,Commissioner & Secretary, Tourism Department, Govt of Mizoramin kaihhruaiin,Mizoram Chief Minister Pu Zoramthanga chuan khuallian niin a hmanpui. Fédération Aéronautique Internationale (FAI), Category II International Paragliding Accuracy Championship, 2020, Mizoram, kharna Inkhawm rawn hmanpuitu leh khuallian ni bawk Minister Pu Zoramthanga chuan Paragliding intihsiakna hlawhtling tak neih a ni chu lawmawm tiin participant zawng zawng chungah lawmthu a sawi a. Mizoramin a vawi khatna atana international level championship a thleng chu ropui a tih thu sawiin, nakin zelah pawh khawvel huap paragliding intihsiakna hi Mizoramin a thlen leh zel a beisei th
Kimchang zawkin »

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle

Posted by on
Image
 Dt 16th(Sat) Zing Dar 8-Tlai Dar 5pm chhung  khan  Keitum Branch YMA te chuan  kum tamtak chhung an lo humhalh tawh Keitum leh Khawlailung inkar Tuichang Lei hnuai Sangha te chu Nghakuai chiah/kam man pawisa tlem  chawiin,a duh piangte tan an hawng a,a chhehvel khaw hrang  hrang  atangin Mi 300 chuang an fuankhawm ani Keitum Branch YMA hruaitute hnen atanga thu kan dawn danin,h an Lui humhalh chhunga Sangha te,  man chawi manna  hun an hawnah hian  Humhalh Li (Lei Hnuai Li)  bika Sangha te chu khualzin te thlir theih  tur a an awm reng  theih nan hemi Li bika Sangha chu  man an phalloh thute, Sangha man  tumte  sum tlingkhawm(Entry Fee)  chu  an Branch huamchhunga  mirethei leh  harsa zawkte  tanpui nan  leh khawtlang mamawh hrang hrang atan hman anih dawn thu  sawiin,sangha man tura  kalkhawm te chungah lawmthu an sawi bawk ani. Keitum branch YMA ten  sumtuak nana Nghakuai chiah/kam hun an hawn  ah hian  mithenkhat te chuan sangha lian  leh tuihnai tak tak engemawzat an man a ni
Kimchang zawkin »